Gen “yon gwo foul moun” okenn moun pap ka konte k ap soti nan tout nasyon k ap soti vivan nan lagè Amagedon.
Ki sa Bib la di?
Ki sa Amagedon ye?
Gen kèk moun ki kwè...
se tout tè a nèt ki pral detwi ak gwo zam nikleyè oubyen yo kwè se anviwònman an ki pral depafini nèt. E ou menm ki sa w panse?
Sa Bib la di
Amagedon se “lagè ki gen pou fèt nan gran jou Bondye a, li menm ki Toupisan an”, yon gè Bondye pral fè kont mechan yo. — Revelasyon 16:14, 16.
Ki lòt bagay nou ka aprann nan Bib la?
Bondye pap fè lagè Amagedon an pou l ka detwi tè a, okontrè l ap fè l pou l ka anpeche lèzòm detwi tè a. — Revelasyon 11:18.
Lagè Amagedon pral met fen nan tout gè. — Sòm 46:8, 9.
Èske li posib pou nou sove nan lagè Amagedon an?
Èske w t ap di...
Wi
Non
Petèt
Sa Bib la di
“Yon gwo foul moun” ki soti nan tout nasyon ap soti vivan nan “gwo tribilasyon an” ki pral debouche nan lagè Amagedon. — Revelasyon 7:9, 14.
Ki lòt bagay nou ka aprann nan Bib la?
Bondye ta renmen pou plis moun posib soti vivan nan lagè Amagedon. Se sèlman lè pa gen okenn lòt mwayen vre li detwi moun ki mechan. — Ezekyèl 18:32.
Labib di nou sa nou dwe fè pou n soti vivan nan lagè Amagedon. — Sofoni 2:3.