Repons kesyon w yo

◼ Ki moun ki ta dwe resevwa yon ensiy pou kongrè distri ?

Ensiy pou kongrè kapab trè itil pou idantifye frè nou yo e pou fè piblisite pou kongrè a. Sepandan, yo pa ta dwe distribye yo san gade dèyè. Yo idantifye moun ki pote l la kòm moun ki gen bèl repitasyon nan kongregasyon Temwen Jewova li ye a.

Ensiy la gen plas pou non moun nan e li gen plas pou non kongregasyon an tou. Kifèla, fòk moun nan ta asosye ak kongregasyon ki mansyone a nan yon mezi rezonab. Sosyete a voye yon valè ensiy nan chak kongregasyon. Li konvnab pou yo bay chak pwoklamatè batize ak chak pwoklamatè ki poko batize yon ensiy. Timoun ak lòt moun ki asiste reyinyon kongregasyon an regilyèman e ki ap fè pwogrè pou yo patisipe nan ministè a kapab resevwa youn tou. Li pa ta konvnab pou bay yon moun yo ranvwaye yon ensiy pou kongrè.

Lè yo fè konnen ensiy yo disponib, ansyen yo ta dwe veye pou yo distribye yo ann amoni ak enstriksyon sa yo.