Jan pou nou prezante peryodik yo

La Tour de Garde 15 desanm

“ Pandan epòk Nwèl la, anpil moun eseye demontre bonte ak konpasyon pou lòt moun. Èske w pa panse monn nan t ap pi bon si moun yo te demontre konpasyon pou lòt moun pandan tout ane a ? [Kite moun nan reponn. Apre sa, li 1 Pyè 3:8.] Peryodik sa a esplike ki enpòtans konpasyon genyen e li bay kèk fason pratik nou ka demontre kalite sa a. ”

Réveillez-vous! Desanm

“ Èske w panse moun nou genyen ki mouri yo ap ka viv ankò ? [Kite moun nan reponn.] Bib la fè nou konnen nou ka delivre anba lanmò. [Li Sòm 68:20.] Peryodik sa a montre rezon ki fè nou pa dwe krenn lanmò kòmkwa li mete yon fen nan lavi a definitivman. ”

Toudegad Janvye-Mas

“ Anpil moun priye pou Wayòm Bondye a vini. Pa egzanp, gade priyè sa a Jezi te montre disip li yo pou yo fè, yon priyè anpil moun konnen. [Li Matye 6:9, 10.] Èske w pa janm mande tèt ou ki sa Wayòm sa a ye e ki lè l ap vini ? [Kite moun nan reponn.] Peryodik sa a montre ki sa Bib la di sou sa. ”

Réveillez-vous! Janvye

“ Atravè tout listwa, fi yo te toujou konn soufri akoz diskriminasyon ak vyolans. Dapre ou menm, ki sa k fè se konsa sa ye ? [Kite moun nan reponn.] Remake ki jan Bib la di pou mari yo trete madanm yo. [Li 1 Pyè 3:7.] Peryodik sa a sèvi ak Bib la pou l montre ki jan Jewova ak Jezi konsidere fi yo. ”