Yon bon fason pou nou apresye kantik Wayòm yo

Sèvitè Bondye yo konsidere mizik kòm yon bèl kado Jewova bay (Jak 1:17). Gen anpil kongregasyon ki renmen pase kantik Wayòm yo ni anvan reyinyon yo kòmanse ni lè reyinyon yo fini, yo jwe mizik la tou ba. Lè yo pase mizik teyokratik yo se yon bon fason pou yo byen akeyi nou nan reyinyon yo. Sa ede nou prepare lespri nou pou nou adore Jewova. Anplis de sa, lè nou pase nouvo melodi ki nan liv kantik la sa fè nou vin konnen melodi yo e sa fè nou chante kantik yo byen. Lè nou jwe jan de mizik sa yo apre reyinyon yo sa fè gen yon bèl anbyans pou youn ankouraje lòt. Se sa k fè, gwoup ansyen yo dwe pran dispozisyon ki apwopriye pou yo pase CD ki gen tit: Chantons à Jéhovah — Accompagnement au piano a ni anvan ni apre reyinyon yo. Yo dwe veye pou volim y ap pase mizik la rezonab pou li pa anpeche moun yo fè konvèsasyon.