Kèk modèl prezantasyon

Pou nou kòmanse etid biblik premye samdi nan mwa janvye a

“Gen yon kesyon nou ta renmen konn opinyon w sou li. Si yon moun ta mande w ki non Bondye, ki repons ou t ap bay? [Kite moun nan reponn.] Gade sa nou li nan peryodik sa a.” Bay moun nan Toudegad 1^ye janvye a, montre l atik ki nan dènye paj peryodik la epi fè yon ti pale avèk li sou sa nou jwenn nan premye soutit la, e pale omwen sou youn nan vèsè yo bay kòm referans yo. Ofri moun nan peryodik yo, epi pran randevou pou w retounen reponn kesyon ki vin apre a.

La Tour de Garde 1^ye janvye

“Gen anpil moun k ap pale de lafendimonn. Èske w panse lafendimonn se yon bagay nou ta dwe pè? [Kite moun nan reponn.] Selon vèsè sa a, gen moun k ap chape lè lafendimonn nan rive. [Li 1 Jan 2:17.] Peryodik sa a ede n jwenn repons Bib la bay pou kat kesyon moun konn poze sou lafendimonn.”

Réveillez-vous! Janvye

“N ap vizite tout vwazen nou yo pou nou fè yon ti pale avèk yo sou sa ki ka ede yo reyisi lavi fanmi yo. Èske w panse sa enpòtan pou fanmi yo aplike pawòl Jezi te di nan Travay 20:35b a? [Li vèsè a. Kite moun nan reponn.] Nan yon monn kote anpil moun sanble ap panse ak tèt yo sèlman, se ka yon gwo defi pou paran yo anseye timoun yo pou yo pa egoyis. Atik sa a bay kèk bagay pratik paran yo ka fè pou yo leve timoun yo yon fason pou yo gen konsiderasyon pou lòt moun.”