Veye pou n pa gaye manti

Jodi a, plizyè milyon moun rive jwenn enfòmasyon byen rapid lè yo sèvi ak bagay ki enprime, radyo, televizyon ak Entènèt. Moun k ap adore “Bondye verite a” pa vle gaye enfòmasyon ki pa verite, menm pa aksidan (Sm 31:5; Eg 23:1). Enfòmasyon ki pa laverite nou voye bay lòt moun kapab lakòz gwo dega. Lè w ap egzamine si yon enfòmasyon se verite, mande tèt ou:

• ‘Èske m ka fè moun ki bay enfòmasyon an konfyans?’ Moun ki bay enfòmasyon an gendwa pa gen tout detay. Enfòmasyon k ap pase nan bouch plizyè moun ap chanje finalman, donk, se pou w pridan lè w pa ka idantifye kote enfòmasyon an soti egzakteman. Se sa k fè, antanke moun ki la pou bay enfòmasyon ki egzak, moun ki gen privilèj nan kongregasyon an dwe fè anpil atansyon pou yo pa bay enfòmasyon yo pa verifye

• ‘Èske se yon enfòmasyon k ap sal repitasyon moun?’ Si l ap sal repitasyon yon moun oubyen yon gwoup moun, nou pa dwe repete l. — Pw 18:8; Fp 4:8

• ‘Èske istwa sa a se verite?’ Fè atansyon ak yon bann istwa ak eksperyans n ap tande ki parèt estrawòdinè pou touche santiman moun

GADE VIDEYO KI GEN TIT KI SA M KA FÈ POU M PA MELE NAN TRIPOTAY?, EPI REPONN KESYON KI VIN APRE YO:

• 

  Selon Pwovèb 12:18, ki mal pawòl nou di ka lakòz?

• 

  Kòman Filipyen 2:4 ede nou gen ekilib nan sa n ap di sou lòt moun?

• 

  Ki sa nou ta dwe fè lè yo kòmanse ap pale sou yon moun pou pase l nan rizib oubyen y ap di move pawòl sou li?

• 

  Anvan nou kòmanse pale sou yon moun, ki sa nou ta dwe mande tèt nou?