Nou demontre lanmou lè n aksepte disiplin Jewova bay

Lè yo eskominye yon moun, sa pwoteje kongregasyon an, e se yon disiplin pou moun ki peche ki pa repanti a (1Ko 5:6, 11). Lè n aksepte disiplin sa a Jewova bay la, nou demontre lanmou. Èske nou ka di se yon prèv lanmou, alòske lè yo eskominye yon moun, sa fè tout moun ki konsène yo soufri, sa gen ladan l manm fanmi l ak komite disiplin nan?

Sa k pi enpòtan an, nou montre nou renmen non Jewova ak prensip li yo ki sen (1P 1:14-16). Nou montre lanmou tou pou moun ki eskominye a. Yon disiplin ki fèm, menmsi l bay lapenn, ka bay “moun li fòme yo” posiblite pou yo “mennen yon vi dwat nan lapè”. (Eb 12:5, 6, 11.) Si n ap frekante yon moun ki eskominye oswa yon moun ki fè retrè volontè, nou aji kont disiplin Jewova bay. Sonje, Jewova disipline pèp li a nan “degre [l] merite a”. (Jr 30:11.) Lè n aksepte disiplin Jewova bay e nou kontinye fè aktivite espirityèl nou yo, nou montre n kontinye gen espwa moun nan ap retounen vin jwenn Papa nou an ki gen mizèrikòd. — Eza 1:16-18; 55:7.

GADE VIDEYO KI GEN TIT ANNOU KONTINYE MONTRE NOU FIDÈL SAN KÈ NOU PA DIVIZE, EPI REPONN KESYON KI ANNAPRE YO:

• 

  Lè yon pitit kite Jewova, ki jan sa fè paran l ki kretyen soufri?

• 

  Ki jan kongregasyon an ka soutni manm fanmi an ki fidèl?

• 

  Ki istwa nan Bib la ki montre n fidelite nou anvè Jewova pi enpòtan pase fidelite anvè fanmi nou?

• 

  Ki jan n ka mete fidelite anvè Jewova anvan fidelite anvè fanmi?