Paran, bay pitit ou yo konesans yo bezwen

N ap viv nan yon monn k ap chèche fè nou pran sa ki byen pou mal e sa ki mal pou byen (Eza 5:20). Malerezman, gen moun k ap fè yon seri bagay Jewova rayi, pa egzanp, gen ladan yo ki gen move konduit ak moun ki gen menm sèks avèk yo. Jèn nou yo ki gen anpil valè gendwa gen kamarad lekòl yo oswa lòt moun ki ka eseye rale yo pou yo suiv yo. Ki jan n ka prepare pitit nou yo pou yo byen fè fas ak sitiyasyon sa a ansanm ak kèk lòt sitiyasyon ki ka teste yo?

Bay pitit nou yo konesans yo bezwen sou prensip Jewova yo (Le 18:3). Tikras pa tikras, ba yo enfòmasyon selon laj yo sou prensip Bib la bay ki gen rapò ak bon konduit nan domèn seksyèl (Dt 6:7). Mande tèt nou: ‘Èske m anseye pitit mwen yo bon fason pou yo demontre afeksyon pou lòt moun, jan sa enpòtan pou yo abiye yon fason ki demontre respè e jan sa enpòtan pou lòt moun respekte entimite yo? Èske pitit mwen yo konnen sa yo dwe fè si yon moun ap eseye montre yo pònografi oswa mande yo fè yon bagay Jewova di ki mal?’ Lè n gentan anseye pitit nou yo, sa ka ede yo evite anpil pwoblèm (Pw 27:12; Ekl 7:12). Lè n anseye pitit nou yo, nou montre n renmen eritaj Jewova ban nou yo ki gen anpil valè. — Sm 127:3.

GADE VIDEYO KI GEN TIT BATI YON KAY K AP LA POU TOUTAN — PWOTEJE PITIT OU KONT “SA KI MAL”, EPI REPONN KESYON KI ANNAPRE YO:

• 

  Poukisa gen moun ki renka pou yo anseye pitit yo sou sèks?

• 

  Poukisa paran yo dwe fòme pitit yo “nan disiplin Jewova ak nan avètisman li bay”? — Ef 6:4

• 

  Ki sa òganizasyon Jewova a fè pou ede paran yo anseye pitit yo sou sèks? — w19.05 12, kare

• Poukisa nou dwe kominike avèk pitit nou yo regilyèman anvan yo vin jwenn nan gwo pwoblèm?