Ki kote w ye nan chemen ki mennen nou nan batèm nan?
LAVI NOU ANTANKE KRETYEN
Chwazi sèvi Jewova
Si w se yon jèn pwoklamatè ki poko batize oswa yon etidyan Labib, èske w gen objektif pou w batize? Poukisa w ta dwe anvi batize? Ve ak batèm se kòmansman yon relasyon espesyal ak Jewova (Sm 91:1). Ve ak batèm ka sove nou (1P 3:21). Ki jan w ka pwogrese pou w rive nan etap sa yo?
Verifye pèsonèlman sa w aprann yo se laverite. Lè w gen kesyon, fè pwòp rechèch pa w (Wm 12:2). Chèche wè nenpòt chanjman w bezwen fè, e fè chanjman sa yo paske w vle fè Jewova plezi (Pw 27:11; Ef 4:23, 24). Toujou priye Jewova pou l ede w. Ou mèt gen asirans Jewova ap ba w fòs ak èd ou bezwen pa mwayen lespri sen l ki pisan (1P 5:10, 11). Sa vrèman vo lapenn pou w fè efò sa yo! Sèvi Jewova se pi bon fason pou w viv! — Sm 16:11.
GADE VIDEYO KI GEN TIT CHEMEN KI MENNEN NOU NAN BATÈM NAN, EPI REPONN KESYON KI ANNAPRE YO:
Ki obstak ou bezwen venk pou w ka batize?
Ki jan w ka vin gen lafwa w bezwen an pou w ka vwe tèt ou bay Jewova?
Ki sa k te motive kèk moun fè sa ki nesesè pou yo kalifye pou batèm?
Ki benediksyon moun ki chwazi sèvi Jewova yo jwenn?
Ki sa ve ak batèm vle di?