BYEN PREPARE W POU TRAVAY PREDIKASYON AN | CHÈCHE JWENN KÈ KONTAN NAN TRAVAY FÈ DISIP LA
Mete vi nan ansèyman n ap bay
Lè n mete vi nan sa n ap di, sa motive lòt moun. Lè n mete vi nan sa n ap di, moun yo ap plis anvi tande nou. Sa montre tou nou bay mesaj nou an enpòtans. Kèlkeswa kote nou soti oswa pèsonalite nou, nou ka mete vi nan sa n ap di (Wm 12:11). Ki jan?
Premyèman, reflechi ak valè mesaj ou a genyen. Ou gen privilèj pou w “anonse bon nouvèl [la]!” (Wm 10:15). Dezyèmman, reflechi sou fason bon nouvèl la ka ede moun k ap koute w yo amelyore lavi yo. Yo vrèman bezwen tande sa w gen pou w di yo a (Wm 10:13, 14). Pou fini, pale ak tout kè w, fè jès ki natirèl epi demontre santiman ki sensè sou vizaj ou.
GADE VIDEYO KI GEN TIT CHÈCHE JWENN KÈ KONTAN NAN TRAVAY FÈ DISIP LA — CHÈCHE VIN PI MATON — METE VI NAN ANSÈYMAN W AP BAY, EPI REPONN KESYON KI ANNAPRE YO:
Ki sa k te fè Nita pèdi antouzyas li nan etid Labib li t ap fè ak Jad la?
Ki sa k te ede Nita rejwenn antouzyas li ankò?
Lè n mete vi nan sa n ap di, sa motive lòt moun
Poukisa nou dwe konsantre n sou bèl kalite moun k ap koute nou yo genyen?
Ki efè antouzyas nou ka genyen sou etidyan Labib nou yo ansanm ak lòt moun?