Ann demontre lanmou nan fanmi nou

Lanmou se lakòl ki kole tout moun nan fanmi an ansanm. San lanmou li t ap difisil pou moun nan fanmi an rete ini e pou yo kolabore youn ak lòt. Ki jan mari yo, madanm yo ak paran yo ka demontre lanmou nan fanmi an?

Yon mari ki gen lanmou ap pran an konsiderasyon bezwen madanm li, sa madanm li panse ak santiman l (Ef 5:28, 29). L ap ba yo sa yo bezwen nan domèn materyèl e l ap ede yo vin pwòch ak Jewova lè l fè adorasyon an fanmi an regilyèman (1Ti 5:8). Yon madanm ki gen lanmou ap soumèt devan mari l e l ap demontre “gwo respè” pou li (Ef 5:22, 33; 1P 3:1-6). Ni mari a ni madanm nan dwe dispoze padone youn lòt ak tout kè yo (Ef 4:32). Paran ki gen lanmou yo montre yo enterese nan chak timoun e yo anseye yo pou yo renmen Jewova (Dt 6:6, 7; Ef 6:4). Ki pwoblèm timoun yo jwenn nan lekòl yo? Ki jan y ap jere presyon lòt jèn ap fè sou yo? Lè gen anpil lanmou nan fanmi an, tout moun nan fanmi an ap santi yo byen e y ap santi yo an sekirite.

GADE VIDEYO KI GEN TIT ANNOU DEMONTRE YON LANMOU SAN FAY NAN FANMI N, EPI REPONN KESYON KI ANNAPRE YO:

• 

  Ki jan yon mari ki gen lanmou pran swen madanm li epi ancheri l?

• 

  Ki jan yon madanm ki gen lanmou montre gwo respè pou mari l?

• 

  Ki jan paran ki gen lanmou yo fè pawòl Bondye a antre nan kè timoun yo?