Jèn, ouvri kè nou bay paran nou

Poukisa w ta dwe eseye fè paran w yo konnen sa w panse yon fason ki klè? (Pw 23:26). Paske Jewova ba yo responsablite pou yo pran swen w e ba w direksyon (Sm 127:3, 4). Li ka difisil pou yo ede w si w pa fè yo konnen pwoblèm ou yo ak enkyetid ou yo. Epitou, ou pap aprann nan eksperyans pratik yo te fè nan lavi a. Èske sa mal pou w kenbe kèk panse poukont ou? Pa vrèman, men veye pou w pa ba yo move enpresyon. — Pw 3:32.

Ki jan w ka pale ak paran w yo? Eseye chwazi yon lè k ap bon ni pou ou ni pou yo. Si se sa ki pwoblèm nan, ou ka ekri youn nan yo yon lèt pou w fè yo konnen sa w santi. E si yo vle pale sou yon sijè ou ta prefere pa pale sou li? Sonje sa, yo vrèman vle ede w. Sonje paran w yo se patizan w, se pa ènmi w. Efò w fè pou w pale klè ak paran w yo ap pote byenfè pou ou pou tout lavi w, lavi pou toutan! — Pw 4:10-12.

GADE VIDEYO KI GEN TIT LAVI M ANTANKE JÈN — KI JAN POU M PALE AK PARAN M?, EPI REPONN KESYON KI ANNAPRE YO:

• 

  Ki sa Esther ak Partik te vin konprann sou tèt yo?

• 

  Ki sa w ka aprann nan egzanp Jezi?

• 

  Ki jan paran w yo montre yo gen sousi pou ou?

• 

  Ki prensip nan Bib la ki ta ka ede w pale ak paran w yo?