TREZÒ KI NAN PAWÒL BONDYE A

Chwazi konjwen w avèk sajès

Salomon te montre li pa gen sajès lè l te marye avèk yon seri fi ki t ap sèvi fo dye (1Wa 11:1, 2; w18.07 18 § 7)

Tikras pa tikras, madanm Salomon yo te pran tèt li, yo te fè l al sèvi lòt dye (1Wa 11:3-6; w19.01 15 § 6)

Jewova te fache anpil kont Salomon (1Wa 11:9, 10; w18.07 19 § 9)

Foto ki ansanm: Yon sè selibatè k ap fè etid pèsonèl li epi l ap panse ak yon frè selibatè. 1. Frè a ap fè kòmantè nan reyinyon kongregasyon an. 2. Li patisipe nan temwayaj piblik. 3. Li ede nan antretyen Sal Wayòm nan.

Pawòl Bondye a konseye kretyen selibatè yo pou yo marye “sèlman nan seyè a”. (1Ko 7:39.) Sepandan, batize sèlman pap fè yon moun kalifye pou l vin yon bon konjwen. Èske moun sa a ap ede w kontinye sèvi Jewova ak tout nanm ou? Èske sa gen lontan depi moun sa a ap montre yon lanmou ki pwofon pou Jewova? Anvan w dakò marye, pran tan pou w byen konnen moun ki ka vin konjwen w lan.