Kantik 90
Moun ki gen cheve blan yo bèl nan je Bondye
Édition imprimée
1. Gen moun ki pami nou la
Ki pa jèn ankò.
Men, yo la, y’ap andire,
Y’ap fè gwo efò.
Yo tout nèt pèdi fòs yo,
Kèk pèdi konjwen.
Papa, fè yo gen konfyans
Pwomès ou sèten.
(REFREN)
O Papa, ou sonje
Tout sa yo te fè.
Fè yo gen asirans
Ou bay sa valè.
2. Lè moun ki gen cheve blan
Toujou ret fidèl,
Yo atiran pou Bondye,
Wi, sa fè yo bèl.
Se pou nou toujou sonje
Yo te jèn yon lè,
E yo te bay tout yo menm
Ak yon kè konplè.
(REFREN)
O Papa, ou sonje
Tout sa yo te fè.
Fè yo gen asirans
Ou bay sa valè.
(Gade tou Mat. 25:21, 23; Sòm 71:9, 18; Pwo. 20:29; Lik 22:28; 1 Tim. 5:1.)