Nou dwe renmen lòt moun ak tout kè nou

1. Se nan kè’n lanmou dwe soti,

Se la pou afeksyon grandi.

N’ap gen lanmou san patipri,

Wi, pou chak frè ak sè.

N’ap jwenn fason pou’n eksprime

Santiman nou gen pou yo vre.

Konsa, n’ap imite Bondye,

N’ap montre nou sensè.

Si nou renmen yo toutbon,

N’ap soutni yo tou lè sa pa bon.

N’ap chèche tout okazyon

Pou’n ede yo ak tout kè’n.

Si nou renmen tout frè, tout sè,

Pou yo n’ap toujou gen respè.

Nou pap mache di fot yo fè.

N’ap toujou rete fidèl,

Inite nou esansyèl.

2. Si lanmou nou an fò anpil,

Nou pap moun k’ap fache fasil,

N’ap viv ak frè’n yo byen trankil

E n’ap fè yo konfyans.

Nou devlope bèl amitye,

Tout frè nou yo nou apresye.

Nou kontan lè nou rasanble,

Nou gen plis andirans.

Lè’n pale san reflechi,

Nou ka lakòz anpil moun soufri.

Si’n gen tandrès, si’n janti

Frè’n ak sè’n yo ap anjwa.

Si nou se bonjan konpayon,

Lyen nou yo ap vin pi pwofon.

Lanmou se yon gwo chèn inyon.

Konsa n’ap bay Bondye glwa,

N’ap imite vrè Dye a.