Jòb te kenbe entegrite l devan eprèv

Jòb t ap viv Ouz pandan epòk Izrayelit yo te nan esklavaj ann Ejip. Byenke Jòb pa t yon Izrayelit, li te yon sèvitè Jewova fidèl. Li te gen yon fanmi ki gen anpil moun, li te gen anpil richès e li te gen enfliyans nan zòn li t ap viv la. Li te yon konseye moun te respekte anpil e li te yon jij ki pa gen patipri. Li te donan ak moun ki pòv yo ansanm ak moun ki nan nesesite yo. Jòb se te yon moun ki te kenbe entegrite l.

Jòb te montre aklè Jewova se moun ki pi enpòtan nan lavi l.

1:8-11, 22; 2:2-5

• Satan te wè Jòb se yon moun ki entèg. Li pa t nye Jòb se yon moun ki obeyi Bondye, men, li te mete an dout rezon ki fè Jòb te kenbe entegrite l

• Satan te fè konnen se akoz enterè egoyis ki fè Jòb ap sèvi Jewova

• Pou Jewova te ka bay Satan yon repons pou akizasyon l lan, li te bay Satan pèmisyon pou l atake moun fidèl sa a. Satan te ravaje tout bagay nan lavi Jòb

• Lè Jòb te kenbe entegrite l, Satan te fè konnen pa gen okenn moun k ap kenbe entegrite l

• Jòb pa t peche, ni li pa t akize Bondye kòmkwa Bondye fè yon bagay ki mal