Timoun yo se byen Bondye konfye nou

1. Lè yon mari ak madanm li

Vin gen yon pitit, se yon bon nouvèl.

Yo gen yon byen, men yo dwe sonje

Li pa pou yo, pa pou yo sèl.

Se Bondye ki konfye yo byen sa’,

Li menm ki se sèl vrè Sous lavi a.

Li bay paran yo bon direksyon

Pou yo suiv chemen ki pi saj la.

2. Se pou’n met pawòl Bondye yo

Nan kè’n ak nan lespri’n tout lajounen.

Pataje yo avèk pitit nou,

Se travay nou, se pou’n fè’l byen.

Lè nou ansanm, pale avèk yo,

Lè n’ap mache e lè n’ap repoze.

Lè yo vin gran, sa ap ede yo

Rete fidèl pou letènite.