KANTIK 20
Ou bay Pitit Gason ou renmen anpil la pou nou
Édition imprimée
1. Jewova, bon Papa,
Pa’t gen espwa pou nou,
Men, grasa ranson an
Nou vin gen espwa.
Nou ba ou lavi nou,
Tout nou menm se pou ou.
N’ap di moun volonte’w
Gen pou’l fèt sou tè a.
(REFREN)
Ou bay Pitit ou a!
Nou vle chante chak jou
Pou’n louwe’w, poutèt ou bay
Pitit ou renmen an pou nou.
2. Bonte ou, lanmou ou,
Fè nou vin pi pwòch ou.
Louwe non’w, vin zanmi’w,
Se sa’k fè’n plezi.
Men, pi gwo kado a
Se Kris, Pitit ou a.
Ou voye’l bay lavi’l
Pou nou ka gen lavi.
(REFREN)
Ou bay Pitit ou a!
Nou vle chante chak jou
Pou’n louwe’w, poutèt ou bay
Pitit ou renmen an pou nou.
(DÈNYE PAWÒL)
Jewova, bon Papa, n’ap priye’w ak tout kè’n,
N’ap ba’w glwa poutèt ou bay Pitit ou a pou nou.