Bondye pwomèt gen espwa pou planèt nou an

Se sa yon ekip entènasyonal ki t ap fè rechèch sou klima a te rive konprann. Si w kwè gen yon Kreyatè ki gen sousi pou lèzòm, sa syantifik yo rive konprann nan ka fè w sonje Bondye te kreye tè a yon fason pou l ka repare tèt li.

Aktout sa, lè nou wè tout dega lèzòm lakòz sou tè a, mwayen tè a genyen pou l repare tèt li a pa sifi pou l sove planèt nou an. Poukisa nou ka gen konfyans Bondye ap fè yon bagay pou sa?

Gade ki jan vèsè yo site nan kare a ban nou asirans tè a ap la pou toutan e l ap vin bèl anpil.

• Se Bondye ki te kreye planèt nou an. “Okòmansman, Bondye te kreye syèl la ak tè a.” — Jenèz 1:1

• Se pou Bondye planèt nou an ye. “Tè a ak tout sa k ladan l se pou Jewovaa, wi, tè a ak tout sa k ap viv sou li yo.” — Sòm 24:1

• Bondye te fè planèt nou an pou l la pou toutan. “Li mete tè a chita sou fondasyon l, tè a pap janm deplase kite kote l ye a pou tout tan gen tan.” — Sòm 104:5

• Bondye pwomèt lavi sou tè a pral bèl pou toutan. “Vrè Dye a […] Sila a ki te bay tè a fòm nan [...] Sila a ki pa t annik kreye l pou granmesi a, men ki te fè l pou moun rete sou li a.” — Ezayi 45:18.

• Bondye pwomèt lèzòm pral viv sou tè a pou toutan. “Moun ki jis yo gen pou yo posede tè a e yo gen pou yo viv sou li pou toutan.” — Sòm 37:29

Bondye te fè tè a yon fason pou lèzòm ka pwofite lavi sou li san yo pa andomaje tè a. Bib la fè konnen, nan moman Jewova Dye chwazi a, li pral detwi moun ki lakòz planèt nou an an danje yo, anpalan de moun k ap maltrete tè a ak moun ki egoyis yo. — Revelasyon 11:18

Bib la pwomèt Bondye pral fè planèt nou an tounen yon bèl paradi ki an sante e Bondye ap ouvri men l e l ap “bay tout sa k vivan sa yo bezwen”. — Sòm 145:16