Kantik 48
Ann mache ak Jewova chak jou
Édition imprimée
(Mika 6:8)
1. Chak jou, n’ap mache men nan men
Ak Jewova, bon Papa nou an.
Li fè moun ki enb yo favè,
Se yon onè, sa fè nou kontan!
Bondye pran bon dispozisyon
Pou’n toujou mache avè’l.
Se pou sa nou ba’l lavi nou,
Pou’n sèvi’l e pou’n rejwi kè’l.
2. Se jou jijman limanite,
Vye sistèm sa’ pa lwen pou’l fini.
Sa fè nou jwenn opozisyon
Ki ka fè’n pè, fè nou ralanti.
Men, Jewova pwoteje nou,
Se kote’l nou vle rete.
N’ap toujou sèvi’l fidèlman,
E n’ap renmen li nètale.
3. Jewova toujou ede nou.
Li ban’n lespri’l, Li ban’n Pawòl li.
Li ban nou kongregasyon an,
Lè nou priye’l sa fè li plezi.
Ann mache avèk Jewova,
L’ap ede’n fè sa ki byen,
L’ap ede nou fè sa ki jis,
L’ap gide nou nan bon chemen.
(Gade tou Jen. 5:24; 6:9; 1 Wa 2:3, 4.)