Nou satisfè ak bon kado Bondye ban nou yo

1. Tout bèl don, tout kado pafè,

Tout sa ki fè’n plezi,

Bagay ki gen plis valè yo,

Se nan syèl yo soti.

Bondye nou an pa janm chanje,

Li toujou ret menm jan’.

Li ban nou tout sa’n bezwen pou’n viv,

Se Sous lavi’n vrèman.

2. Nou pa gen rezon pou’n enkyè

Pou sa nou gen bezwen.

Nou wè jan’l pran swen zwazo yo,

Yo jwenn manje angren.

Nou pap pèdi tan ap chèche

Bagay ki san valè.

Nou kontan ak sa Bondye ban nou.

Yon vi senp pot byenfè.

3. Sa lèzòm bay plis enpòtans

San valè pou Bondye.

Ann travay avèk dilijans

Pou’n jwenn byen k’ap dire.

Richès n’ap sere nan syèl la

Pap pèdi si’n mouri.

Nou satisfè ak sa nou genyen,

E nou gen bèl avni.