Imilite
Ki jan Jewova konsidere moun ki gen imilite yo ak moun ki gen ògèy yo?
Sm 138:6; Pw 15:25; 16:18, 19; 22:4; 1P 5:5
Gade tou Pw 29:23; Eza 2:11, 12
Istwa nan Bib la ki kapab ede w:
2Kw 26:3-5, 16-21 — Wa Ozyas te vin gen ògèy; li te dezobeyi Lwa Bondye a e li te vin fache lè yo te ba l konsèy, donk, Bondye te fè maladi lèp tonbe sou li.
Lk 18:9-14 — Jezi te sèvi ak yon egzanp pou l esplike ki jan Jewova konsidere priyè moun ki gen ògèy yo ak priyè moun ki gen imilite yo.
Ki sa Jewova fè lè l wè yon moun repanti ak tout kè l e avèk imilite?
Istwa nan Bib la ki kapab ede w:
2Kw 12:5-7 — Wa Wobowam ak prens Jida yo te imilye tèt yo devan Jewova, se sa k fè Jewova pa t detwi yo.
2Kw 32:24-26 — Ezekyas, ki te yon bon wa, te vin gen ògèy, men lè l te imilye tèt li, Jewova te padone l.
Lè nou montre nou gen imilite, ki jan sa ede nou vin gen pi bon relasyon ak lòt moun?
Ef 4:1, 2; Fp 2:3; Kl 3:12, 13
Istwa nan Bib la ki kapab ede w:
Jen 33:3, 4 — Jakòb te demontre yon imilite ki san parèy lè l t al rankontre Ezaou, frè l la, ki te fache anpil, sa te vin fè yo anpè youn ak lòt.
Jj 8:1-3 — Avèk imilite, jij Jedeyon te di mesye Efrayim yo yo gen plis enpòtans pase l, konsa, yo te sispann an kòlè e sa te fè yo pa t chèche batay avèk li ankò.
Ki jan Jezi te montre jan li enpòtan pou n gen imilite?
Mt 18:1-5; 23:11, 12; Mk 10:41-45
Istwa nan Bib la ki kapab ede w:
Eza 53:7; Fp 2:7, 8 — Jan pwofesi yo te anonse sa, Jezi te gen imilite, li te aksepte vin sou tè a e li te menm aksepte mouri yon fason ki te fè l soufri e ki te imilyan.
Lk 14:7-11 — Jezi te bay yon egzanp konsènan plas yo te konn bay moun nan fèt yo te konn òganize yo pou l montre jan nou ka jwenn byenfè grasa imilite
Jan 13:3-17 — Jezi kite yon egzanp pou disip li yo lè l te lave pye apot li yo, yon travay se esklav ki te konn fè l.