Èske Temwen Jewova yo peye moun ki responsab yo?

Menm jan ak kretyen yo nan premye syèk la, Temwen Jewova yo pa gen yon gwoup moun ki responsab y ap peye pou travay yo fè. Tout moun ki Temwen Jewova se yon minis òdone k ap preche bon nouvèl la e k ap anseye lòt moun. Chak kongregasyon Temwen yo gen anviwon 100 moun ladan yo. Gen gason ki gen matirite espirityèl k ap sèvi antanke “ansyen” nan chak kongregasyon (Tit 1:5). Yo fè sa san yo pa touche senkòb.