PEJATS 4

¿Janéy tamun kom in tʼajaˈtsik ti kʼij an Lej Atʼax?

Na Adán ani na Eva chemechtsik, kom yabtsik in tʼajaˈ ti kwentaj an Okʼoxláb (Génesis 3:6, 23)

Na Eva in kʼapu an waliláb xi yab koˈol kin kʼapu ani in pidhaˈ na Adán

Na Eva in tʼajaˈ ti kʼij an Lej Atʼax ani in kʼapu an waliláb xi usnék abal yab koˈol kin kʼapu. Tayíl in pidhaˈ na Adán ani in kʼapu jeye.

Na Adán ani na Eva kaldhá ban alabél chabál ti Edén

Kʼal xowaˈ in tʼajaˈtsik walbin. Jaxtám ti an Okʼoxláb in kaldhaˈtsik ti Edén.

Na Adán ani na Eva yejchelméjtsik ani chemechtsik

Tujey tam kin watʼnaˈ i yajtsiktaláb jajáˈtsik ani nin chakamiltsik. Tin nakíl an kʼij, yejchelméjtsik ani chemechtsik. Yabtsik kʼale ti kʼwajíl tuwaˈ walkʼiˈ nibal píl xonti, tokot taley nin ejatal.

Tam jun u chemel u wenkʼonal ti pojodh ani yabich in ejtowal kin tʼajaˈ ni jun xataˈ (Génesis 3:19)

Yan i atiklábtsik xi ti wejeˈ ani xi xoˈ ta kʼitsáj, ani tal ba píl i bitsowtsik ani káwintalábtsik

Ejtal wawaˈ u chemel kom u chakamláb kʼal na Adán ani na Eva. An chemélomtsik yabich in ejtowal ti chuˈux nibal ti ochʼox nibal kin tʼajaˈ ni jun xataˈ (Eclesiastés 9:5, 10).

Nin kidhtaltsik an chakam tsidhan u tʼeˈpinal kom jajáˈ chemech

Na Jehová yab in léˈak abal an atiklábtsik ka chemech. Jaxtám weˈich i kʼij u kʼibel abal an Okʼoxláb kin witsbantsi tin xeˈchintal an atiklábtsik xi chemnekich ani max kin tʼajaˈ ti kwentaj jowaˈ in léˈ an Okʼoxláb yab jaykʼij neˈech ka chemechtsik.