Xowaˈ a ejtowal ka tʼajaˈ abal ka exbay alwaˈ an ajumtalábtsik
Ka exóbnaˈ jechéˈ i folleto kʼal jun i Óltsix. Ka kontsi jun i exobintaláb kʼal an Biblia an atikláb xi ti pidhaˈ jechéˈ i folleto o ka konoy jun i exobintaláb kʼal an Biblia ban página ti internet, jw.org.
JIDHTAL PEJATS
Ka ajay ejtal an párrafos. Waˈach i konowixtalábtsik xi in koˈol jun i número (A) ani i textos xi káldhats ban Biblia xi kʼwajat tʼunuy (B) an textos in ólnál an chalaptsik xi más exbadh. Ba juntsik i texto xi káldhats ban Biblia, neˈech ka chuˈuw abal in ólnál abal koˈol ka ajyat.
CHABTSÍL PEJATS
Ban jidhtal párrafo ban pejats «Abal ki exóbnaˈ más» in wilkál xowaˈ neˈech ka exóbná ban párrafos xin óntsal (C). An káw xi in koˈol jun i número in ólnál jowaˈ jaˈich an chalap xi más exbadh (D). Ka ajay an textos xi káldhats ban Biblia, ka tokʼoy an konowixtalábtsik ani ka chuˈuw an videos (E).
Ka chuˈuw an chʼilabtsik ani ka tʼajaˈ ti kwentaj xowaˈ in ulal (F), ani ka chalpay janti neˈech ka tokʼoy ban pejats «Xowaˈ juntsik in ulal» (G).
ÓXTSÍL PEJATS
An ajumtaláb u okʼnal kʼal cháb i pejats xi in bij «Xowaˈ i exobnámich» ani «Ki chalpay xowaˈ i exobnámal» (H). Tayíl ka dhutsaˈ jowkʼi ta okʼoy ka exóbnaˈ an ajumtaláb. Ban pejats «Tu kanial ka tʼajaˈ jechéˈ» neˈech ka bachʼuw i óltsixtaláb xi neˈech ti tolmiy ka exóbnaˈ más kʼal tin kwentaj an Tʼokat Dhutslab (I). Ban pejats «Ka exlaˈ jun xataˈ más» neˈech ka elaˈ i publicaciones ani i videos xi neˈech ti tolmiy tʼajat (J).
Janti a ejtowal ka elaˈ an texto ban Biblia
Anchanáˈ ti neˈech ka elaˈ an textos xi kʼwajat ban Biblia, kʼwajat in bij an libro (A), an capítulo (B) ani an versículo o an versículos (C). Anchanˈ janti jechéˈ, Juan 17:3 in léˈ kin uluw «an libro xi in dhutsaˈ na Juan, capítulo 17, versículo 3».