AJUMTALÁB 01
¿Janti in ejtowal ti tolmiy an Tʼokat Dhutslab?
Juntsikíl i konówiyal tin kwentaj an ejattaláb, an yajtsiktaláb, an chemlá ani an kʼij xi taˈtál. Jeye tu tʼajál ki chalpay janti ki watʼaˈ kʼitsáj ta kʼitsáj ani janti ki koˈoy jun i yanél kulbél. Yan i atiklábtsik in chuˈúmal abal an Tʼokat Dhutslab in pidhnál i alwaˈ tokʼtsixtalábtsik abal ku kʼwajay alwaˈ ba ni xeˈchintal. ¿Awxeˈ an Tʼokat Dhutslab in ejtowal kin tolmiy jun xitaˈ xi tatáˈ a exlál?
1. ¿Jantʼom konoxtalábtsik in tokʼoyal an Tʼokat Dhutslab?
An Tʼokat Dhutslab tu tokʼontsal i konoxtalábtsik jelti jechéˈ: ¿janti tujey an ejattaláb?, ¿jantʼó tu tʼajadh?, ¿jantʼó tin watʼnál i yajtsiktaláb an atiklábtsik xi alwaˈ?, tam jun ka chemech, ¿bél u jilkʼonal jun xataˈ ejat?, ¿jantʼó ti waˈach yan i péjextaláb max ejtal i léˈ an kʼijidhtaláb? ani ¿janéy neˈech ka watʼey kʼal an Chabál? An Tʼokat Dhutslab tu kanál ki aliy an tokʼtsixtalábtsik, yan i atiklábtsik xi anchanˈ tin tʼajámal kʼwajattsik más kulbél kʼal xowaˈ in elámal.
2. ¿Janti tu tolmiyal an Tʼokat Dhutslab ku kʼwajay alwaˈ kʼitsáj ta kʼitsáj?
An Tʼokat Dhutslab tu pidhál i alwaˈ takʼixtalábtsik, kom tu okʼtsal janti ka kʼwajay an yanelábtsik lej kulbél, jeye tu okʼtsal janti ki wixkʼaˈ an chalaptsik xi yab alwaˈ ani janti ki kʼijidhnaˈ an tʼojláb. Tam ki exóbnaˈ junax jechéˈ an ajumtalábtsik, tatáˈ neˈech ka chuˈuw kʼal an Tʼokat Dhutslab xowaˈ in ulal kʼal jechéˈ tin kwentaj ani kʼal kʼeˈet xanéy. Tám, neˈech ka tʼajaˈ ti kwentaj abal «ejtal xowaˈ kʼwajat dhutsadh ban Tʼokat Dhutslab, a Dios in chalap ani alwaˈ abal […] ka júnájich jun i xeˈchintaláb lujat» (2 Timoteo 3:16).
Jechéˈ i dhutsadh úw yab jaˈich an Biblia. Por neˈech tu tolmiy ki exbay xowaˈ in ulal. Jaxtám tu kanál ki ajay ejtal an textos xi kʼwajat ban ajumtalábtsik ani anchanˈ ki chuˈuw abal ejtal xowaˈ i exóbnál kʼwajat ban Biblia.
ABAL KI EXÓBNAˈ MÁS
Techéˈ neˈech ki chuˈuw janti an Biblia in tolmiyámal kʼeˈet i atiklábtsik. Jeye neˈech ki chuˈuw janéy i ejtowal ki tʼajaˈ abal ki kulbétnaˈ an ajumtaláb kʼal an Biblia ani jantʼó ti jaˈich lej alwaˈ abal jun xitaˈ tu tolmiy ki exóbnaˈ.
3. An Biblia tu tolmiyal
An Biblia jaˈich jelti jun i tajbaxtaláb xi lej tajax kom tu tolmiyal ki chuˈuw xowaˈ neˈech ki tʼajaˈ ti ejattal ani tu tolmiyal ki choˈóbnaˈ xowaˈ neˈech ka watʼey ban kʼij xi taˈtál.
Ka ajaytsik Salmo 119:105 ani ki tʼilmáchtsik kʼal tin kwentaj jechéˈ:
¿Janéy in chalpayalak an dhutsum kʼal tin kwentaj an Biblia?
¿Janéy a chalpayal tatáˈ kʼal tin kwentaj an Biblia?
4. An Biblia tu tokʼontsal an konowixtalábtsik xi i koˈol
Jun i uxum xi in kóˈyámal yan i konowixtalábtsik tin nakél yan i kʼij in elaˈ an tokʼoxtalábtsik ban Biblia. Ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Jantʼom konowixtalábtsik in koˈolak an uxum xi kale ban video?
¿Janti tolmiyat kʼal xowaˈ in exóbnaˈ ban Biblia?
An Biblia tu kanial ki aliy an tokʼoxtalábtsik kʼal an konowixtalábtsik xi i koˈol. Ka ajaytsik Mateo 7:7 ani ki tʼilmáchtsik kʼal tin kwentaj jechéˈ:
¿A chalpayal abal an Biblia in ejtowal ti tokʼontsi an konowixtalábtsik xi a koˈol? ¿Jelti jowaˈ?
5. I ejtowal ki kulbétnaˈ an ajumtaláb kʼal an Biblia
Yan i atiklábtsik in kulbetnál tʼajat kin ajay an Tʼokat Dhutslab ani in káldhantsaltsik tʼajat ti alwaˈtaláb. Ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Janéy in chalpayaltsik kʼal tin kwentaj an ajumtaláb an kwitóltsik xi kale ban video?
¿Por jantʼókʼi tin kulbetnáltsik an ajumtaláb kʼal an Biblia?
An Biblia tu okʼtsal, tu kʼijidhmédhál ani tu pidhál i aytsixtaláb. Ka ajaytsik Romanos 15:4 ani ki tʼilmáchtsik kʼal tin kwentaj jechéˈ:
¿A léˈ ka choˈóbnaˈ más janti tu kʼijidhmédhál an Biblia ani jantʼom aytsixtaláb tu pidhál?
6. Neˈech ki exbay xowaˈ in ulal an Biblia max jun xitaˈ tu tolmiy
Yan i atiklábtsik in kulbetnál kin ajay an Biblia kwetémkʼi, por in exbayaltsik más alwaˈ max ka tolmiyat kʼal jun xitaˈ. Ka ajaytsik Hechos 8:26-31 ani ki tʼilmáchtsik kʼal tin kwentaj jechéˈ:
¿Janéy yejat ki tʼajaˈ abal ki exbay an Biblia? (Ka chuˈutsik an versículos 30 ani 31).
Jun i inik xi u kʼwajíl ti Etiopía in yejentsi ka tolmiyat abal kin exbay an Biblia. Ani xowéˈ ta kʼitsáj yan i atiklábtsik in kulbetnál ka tolmiyat kin exbay an Biblia.
XOWAˈ JUNTSIK IN ULAL: «A kʼibdhálkʼi i kʼij ka ajay an Biblia».
¿Janéy a chalpayal tatáˈ? ¿Jantʼókʼi?
XOWAˈ I EXOBNÁMICH
An Biblia tu pidhál ti takʼixtaláb abal ku kʼwajay alwaˈ, tu tokʼontsal ti konoxtalábtsik, tu kʼijidhmédhál ani tu pidhál ti aytsixtaláb.
Ki chalpay xowaˈ i exobnámal
¿Jantʼom takʼixtalábtsik i elál ban Biblia?
¿Jowaˈ konowixtalábtsik in tokʼoyal an Biblia?
Ani tatáˈ, ¿janéy a léˈ ka exóbnaˈ ban Biblia?
KA EXLAˈ JUN XATAˈ MÁS
Ka chuˈuw jantʼó ti an takʼixtalábtsik xi in pidhnál an Biblia in ejtowal tu tolmiy jechéˈ i kʼij.
«An Biblia echʼekʼij neˈech tu tolmiy» (La Atalaya, núm. 1 2018)
Ka chuˈuw janti an Biblia in tolmiy jun i inik xin koˈolak i tʼeˈpintaláb desde ti chipíl.
Ka exlaˈ an takʼixtalábtsik xi in pidhnál an Biblia abal ka koˈoy jun a yaníl kulbél.
«12 i tolmixtaláb abal ki kʼwajay kulbél kʼal na yaníl» (¡Despertad!, núm. 2 2018)
Ka exóbnaˈ xowaˈ in ulal an Biblia kʼal tin kwentaj jitaˈ in takʼyal an chabál.
¿Jantʼó ti alwaˈ ka exóbnaˈ an Tʼokat Dhutslab? (an video xi kidhat) (3:14)