¿Janti kʼwajat ti ólnáb an alwaˈ tʼilab?

An Okʼoxláb wéˈich i kʼij u kʼibel abal kin éynaˈ nin Takʼixtal abal kin wixkʼaˈ ejtal an atʼaxtaláb ani an yajtsiktaláb xi waˈach. ¡Jaxtám ti kulbetnál ki tʼiltsi an atiklábtsik jechéˈ i alwaˈ tʼilab! Na Jesús in léˈak abal nin aykóliltsik kin ólnaˈ jechéˈ i alwaˈ káw tin pubél an Chabál (Mateo 28:19, 20). ¿Janéy in tʼajámal an óltsixtsik kʼal a Jehová abal kin tʼajaˈ ti kwentaj xowaˈ in uluw na Jesús?

1. ¿Janti kʼwajat ti kidhel xoˈ ta kʼitsáj xowaˈ in ulal Mateo 24:14?

Na Jesús in uluw: «An alwaˈ tʼilab kʼal tin kwentaj xan tu takʼix na Dios, neˈech ka tʼilan putálkʼi an kʼayˈlá» (Mateo 24:14). An óltsixtsik kʼal a Jehová i kulbetnál tʼajat ki tʼajaˈ jechéˈ i tʼojláb. Ani i ólnál an alwaˈ tʼilab tin pubél an Chabál ti más i 1,000 i káwintalábtsik. Abal ki tʼajaˈ jechéˈ i púlek tʼojláb i yejentsal tʼajat yan i chápláb ani ku tʼojon alwaˈ. Ani na Jehová tu pidhál nin tolmixtal abal ki ejto ki tʼajaˈ.

2. ¿Janéy i tʼajál abal ki óltsi an atiklábtsik?

U kʼalel ki ólnaˈ an alwaˈ tʼilab xonti waˈach an atiklábtsik. Ani anchanˈ xanti in tʼajálak nin aykóliltsik na Jesús ban okʼox siglo, wawáˈ u kʼalel weye «ban atátsik» (Hechos 5:42). Anchanáˈ i ejtowal ki elaˈ tamub ti tamub yan i atiklábtsik. Por kom juntsikíl an atiklábtsik yab kʼwajat tin kʼimáˈ, jaxtám tu kʼalel tu óltsix ban béltsik. Echʼekʼij i chápnantsal abal ki tʼiltsi an atiklábtsik kʼal tin kwentaj na Jehová ani xowaˈ in chalpayal kin tʼajaˈ.

3. ¿Jitaˈ in koˈol an punkʼuntsixtaláb kin ólnaˈ an alwaˈ tʼilab?

Ejtal xi tsubax u aykol kʼal na Kristo in koˈol an punkʼuntsixtaláb abal kin ólnaˈ an alwaˈ tʼilab. Wawáˈ lej tsubax i tʼajál ti kwentaj jechéˈ i punkʼuntsixtaláb xi i koˈol. I chápnantsal ki óltsi an atiklábtsik, kom i exbayal abal max ki óltsi neˈech kin ejto ka loˈeytsik (ka ajay 1 Timoteo 4:16). Kʼal an tʼojláb xi tʼajál yab xitaˈ tu jalbiyal, kom an Biblia in ulal: «Anikʼi ta bachʼúmaltsik, jaxtám anikʼi jeye ti ka tʼajaˈtsik» (Mateo 10:7, 8). Ani aunque yab ejtal an atiklábtsik tu achʼál, wawáˈ i óntsal ki ólnaˈ an alwaˈ tʼilab, kom anchanáˈ i kʼakʼnál na Jehová ani i tʼajál abal ka kʼwajay kulbél.

ABAL KI EXÓBNAˈ MÁS

4. I tʼajál yan i chápláb abal ku kʼale xonti kʼwajat an atiklábtsik

VIDEO: I ólnál an alwaˈ tʼilab «hasta ban bitsowtsik xi más owdhaˈ» (7:33)

• ¿Janéy jaˈich xowaˈ más a kulbetnál kʼal xowaˈ in tʼajál an óltsixtsik kʼal a Jehová abal kin ólnaˈ an alwaˈ tʼilab?

Ka ajaytsik Mateo 22:39 ani Romanos 10:13-15, ani ki tʼilmáchtsik kʼal tin kwentaj jechéˈ:

• Kʼal an alwaˈ tʼilab xi ólnál, ¿janti in tejwaˈmedhál abal i kʼanidhál an atiklábtsik?

• ¿Janéy in achʼál na Jehová kʼal xitaˈ in ólnál an alwaˈ tʼilab? (Ka chuˈutsik an versículo 15).

5. U tolmix kʼal an Okʼoxláb

Waˈchinék yan xanéy xin tejwaˈmedhál abal na Jehová jaˈich xitaˈ in beldhál an óltsixtaláb. Ki chuˈuw xowaˈ watʼey ti Nueva Zelanda. Jun i wákal, jun i kidhábláb xin bij ta Paul kʼale ti óltsix ani in elaˈ jun i mímláb xi jachanˈ i dhajaw, in tʼajtsi jun i ólab an Okʼoxláb ani in tawnaˈ kʼal nin bij Jehová, ani in kontsi ka tolmiyat kʼal jun xitaˈ abal kin exlaˈ. Ani na Paul in uluw: «óx i hora más wákal in ulich tin kʼimáˈ».

Ka ajaytsik 1 Korintios 3:9 ani ki tʼilmáchtsik kʼal tin kwentaj jechéˈ:

• Kʼal xowaˈ watʼey kʼal jechéˈ i mímláb, ¿Janti tu xalkʼanal abal na Jehová jaˈich xitaˈ in beldhál an óltsixtaláb?

Ka ajaytsik Hechos 1:8 ani ki tʼilmáchtsik kʼal tin kwentaj jechéˈ:

• ¿Jantʼó ti yejentsal kej na Jehová tu tolmiy abal ki ólnaˈ an alwaˈ tʼilab?

¿A choˈóbak?

Ban junkuntaláb xu tʼajnal chʼejel i semana u óltsinal janti koˈol ki ólnaˈ an alwaˈ tʼilab. Max tatáˈ i kʼalnek jun i kʼij, ¿janéy jaˈich xi más a kulbetnál kʼal an tolmixtaláb xi u pidhnal?

6. Tam u kʼalel tu óltsix i tʼajál ti kwentaj xowaˈ in léˈ an Okʼoxláb

Ban okʼox siglo, nin aykóliltsik na Jesús yab u jilnalak ti óltsix kʼal nin atʼowáltsik. Por jachanˈ i okʼox belomtsik in tʼajaˈtsik yan i chápláb abal ka jilantsik ti óltsix (Filipenses 1:7). Xoˈ ta kʼitsáj, an óltsixtsik kʼal a Jehová i tʼajál jayéchkʼi.a

VIDEO: I chápnantsal abal ki óntsi tu óltsix (2:28)

Ka ajaytsik Hechos 5:27-42 ani ki tʼilmáchtsik kʼal tin kwentaj jechéˈ:

• ¿Jantʼó ti yab neˈech ki jilaˈ ki ólnaˈ an alwaˈ tʼilab? (Ka chuˈutsik an versículos 29, 38 ani 39).

XOWAˈ I EXOBNÁMICH

Na Jesús in abaˈ nin aykóliltsik abal kin ólnaˈ an alwaˈ tʼilab tin pubíl an Chabál. An Okʼoxláb kʼwajat in tolmiyal in bitsówil abal kin tʼajaˈ jechéˈ i tʼojláb.

Ki chalpay xowaˈ i exobnámal

• ¿Janéy kʼwajat i tʼajál abal ki ólnaˈ an alwaˈ káw tin pubíl an Chabál?

• Kʼal an alwaˈ tʼilab xi ólnál, ¿janti in tejwaˈmedhál abal i kʼanidhál an atiklábtsik?

• ¿A chalpayal abal an óltsixtaláb in ejtowal tu tʼajaˈ abal ku kʼwajay kulbél? ¿Jantʼókʼi?

KA EXLAˈ JUN XATAˈ MÁS

Ka chuˈuw janti tu óltsix an óltsixtsik kʼal a Jehová ban pakdhaˈ bitsow.

An óltsixtaláb xi tʼajan kʼal an carritos ti París (5:11)

¿Janéy in tʼajámal an óltsixtsik kʼal a Jehová abal kin óltsi an alwaˈ tʼilab an atiklábtsik xi u ulel ti chinkʼonal ba jun i bitsow?

I óltsal an alwaˈ tʼilab an atiklábtsik xi u ulel ti loˈél (5:59)

Ki chuˈuw nin xeˈchintal jun i kidhábláb xi u kulbél tʼajat kom in ólnál an alwaˈ tʼilab.

In kulbél kom u takuy ku tʼojontsi na Jehová (6:29)

Ka chuˈuw xowaˈ in tʼajámal an óltsixtsik kʼal a Jehová abal kin ejtotsik kin ojontsi kin ólnaˈ an alwaˈ tʼilab.

«An óltsixtsik kʼal a Jehová u kʼaleltsik ban awiltaláb» (El Reino de Dios ya está gobernando, capítulo 13)