AJUMTALÁB 46
¿Jantʼó ti lej exbadh ki pidhaˈ na Jehová ti ejattal ani ku pujan?
Tam jun xitaˈ in ólantsal na Jehová okʼox ti ka pujan, in utsál abal tokot jajáˈ neˈech kin tʼójontsi ani kej echʼekʼij neˈech kin tʼajaˈ xowaˈ an Okʼoxláb in kulbetnál (Salmo 40:8). Ani tam ka pujan in xalkʼantsal xi kʼeˈettsik abal in utsámal na Jehová abal neˈech kin tʼójontsi. An chalap xi más exbadh xowaˈ koˈol ki yakʼwaˈ jaˈich ki utsaˈ na Jehová abal neˈech ki tʼójontsi. Kʼal jechéˈ xi takwyal ki tʼajaˈ u jalkʼunal ni xeˈchintal. ¿Janéy in ejtowal ti tolmiy ka tʼajaˈ jechéˈ?
1. ¿Janéy ti tolmiyal abal ka léˈnaˈ ka utsaˈ na Jehová abal a léˈ ka tʼójontsi?
An kʼanidhomtaláb jaˈich xi tu tʼajál ki tʼajaˈ jechéˈ (1 Juan 4:10, 19). An Biblia in ulal: Ka kʼanidhaˈ na Jehová «kʼal ejtal na itsích, kʼal ejtal na ejattal, kʼal ejtal na chalab ani kʼal ejtal na cháp» (Markos 12:30). An kʼanidhomtaláb abal na Jehová i xalkʼál kʼal xowaˈ ki uluw ani kʼal xowaˈ ki tʼajaˈ. Anchanˈ xanti jun i inik ani jun i uxum xu kʼánídháxtsik ani in léˈtsik ka tomkin, anchanˈ jeye tam i kʼanidhál na Jehová i utsál abal neˈech ki tʼójontsi ani u pujnal.
2. ¿Jantʼom lábtʼajaxtaláb in pidhál na Jehová xi pujadhich?
Tam tatáˈ ki pujan neˈech tám ki kʼwajay kʼal nin yanélil na Jehová, jun i yanél xi kʼwajat lej kulbél. Neˈech tám ka achʼaˈ abal an Okʼoxláb ti kʼanidhál tʼajat ani neˈech ki kʼwajay más kʼunat kʼal jajáˈ (ka ajay Malaquías 3:16-18). Neˈech ka kóˈoy na Jehová jelti na tatáˈ, por jeye neˈech ka kóˈoy jun i yanél tin pubél an Chabál xin kʼanidhál na Jehová ani xi ti kʼanidhál teye (ka ajay Markos 10:29, 30). Okʼox ti ki pujan koˈol ka tʼajaˈ juntsik xanéy. Koˈol ka exlaˈ na Jehová, ka kʼanidhaˈ ani ka belaˈ xowaˈ na Jesús in tʼajaˈ abal wawáˈ. Tin okʼontal neˈech ka utsaˈ na Jehová abal a léˈ ka tʼójontsi. Max ka tʼajaˈ ejtal jechéˈ ani tayíl ki pujan, neˈech tám ka ejto ki kʼwajay abal echʼekʼij. An Biblia in ulal: «Kʼal an pujaxtaláb, u xalkʼanal abal u loˈodich» (1 Pedro 3:21).
ABAL KI EXÓBNAˈ MÁS
Ki chuˈuw jantʼó ti lej exbadh ki pidhaˈ na Jehová ti ejattal ani ku pujan.
3. Ejtal koˈol ki takuy xitaˈ neˈech ki tʼójontsi
Ti wejeˈ, an israelitas in chalpayalaktsik abal in ejtowal kin tʼójontsi na Jehová ani jeye jun i dios xin bij Baal. Por na Jehová in abaˈ an tʼiltsix Elías abal kin utsaˈ abal jachanˈ yab alwaˈ. Ka ajaytsik 1 Reyes 18:21 ani ki tʼilmáchtsik kʼal tin kwentaj jechéˈ:
¿Janéy in kóˈoy kin tʼajaˈ an israelitas?
Jayéchkʼi janti an israelitas, cada jun wawáˈ koˈol ki takuy jitaˈ neˈech ki tʼójontsi. Ka ajaytsik Lukas 16:13 ani ki tʼilmáchtsik kʼal tin kwentaj jechéˈ:
¿Jantʼó ti yab i ejtowal ki tʼójontsi na Jehová ani ki tʼójontsi kʼeˈet xitaˈ?
¿Janéy i ejtowal ki tʼajaˈ abal na Jehová kin chuˈuw abal i takwyámich ki tʼójontsi?
4. Ka chalpay abal na Jehová ti kʼanidhál tʼajat
Na Jehová tu pidhámal yan i chʼejwalixtalábtsik. ¿Por janéy i ejtowal ki pidhaˈ wawáˈ? Ka chuˈutsik an VIDEO.
¿Janti ti xalkʼantsámal na Jehová abal ti kʼanidhál? Ka ajaytsik Salmo 104:14, 15 ani 1 Juan 4:9, 10, ani ki tʼilmáchtsik kʼal tin kwentaj jechéˈ:
Kʼal ejtal an chʼejwalixtaláb xi na Jehová tu pidhámal, ¿jowaˈ jáˈ a kʼakʼnál más?
Ani tam ka chalpay jechéˈ i chʼejwalixtalábtsik, ¿janéy a achʼál kʼal jajáˈ?
Tam jun xitaˈ tu pidhaˈ jun i chʼejwalixtaláb, i léˈ ki tʼajaˈ kin choˈóbnaˈ abal i kʼakʼnál tʼajat. Ka ajaytsik Deuteronomio 16:17 ani ki tʼilmáchtsik kʼal tin kwentaj jechéˈ:
Tam ka chalpay ejtal xowaˈ na Jehová ti pidhámal, ¿a léˈ teye ka pidhaˈ jun xataˈ? ¿Janéy neˈech ka pidhaˈ?
5. Tam ki pidhaˈ ni ejattal na Jehová i bachʼwal yan i labtʼajaxtalábtsik
Yan i atiklábtsik in chalpayal kej max jun ka exlá tʼajat, kin kóˈoy más i witʼmách o kin kóˈoy yan i tumín in ejtowaltsik ka kʼwajay kulbél. ¿Por jechéˈ jaˈich tsubax? Ka chuˈutsik an VIDEO ani ki tʼilmáchtsik kʼal tin kwentaj jechéˈ:
Aunque an kwitól ban video in kulbetnálak tʼajat ti ubátʼ, ¿por jantʼó tin jilaˈ?
Jajáˈ in léˈnaˈ kin pidhaˈ nin ejattal na Jehová ani yab an ubátʼnich. ¿A chalpayal abal in tʼajaˈ xowaˈ xi alwaˈ? ¿Jantʼó?
An abatwále Pablo okʼox ti ka wenkʼon ti belom, exoblách kʼal jun i okʼtsix kʼal an takʼixtaláb judía. Por in jilaˈ ejtal abal ka wenkʼon ti belom. ¿Tayíl tʼeˈpin abal in jilaˈ? Ka ajaytsik Filipenses 3:8 ani ki tʼilmáchtsik kʼal tin kwentaj jechéˈ:
¿Jantʼó tin uluw na Pablo abal xowaˈ in tʼajámal okʼox ti ka wenkʼon ti belom jaˈich i «amúl»?
¿Janéy in bachʼuw kom in jilaˈ ejtal jechéˈ?
¿A chalpayal abal neˈech ki kʼwajay más alwaˈ más ka tʼójontsi na Jehová? ¿Jantʼó ta chalpayal anchanˈ?
Tam ti na Pablo wenkʼon ti aykol kʼal na Kristo, in bachʼuw yan i alwaˈtaláb.
XOWAˈ JUNTSIK IN ULAL: «Yab alwaˈ ka tʼójontsi tʼajat an Okʼoxláb, más alwaˈ ki kʼijidhbé kʼal kʼeˈet xanéy».
¿A chalpayal abal jaˈich alwaˈ ka pidhaˈ na ejattal na Jehová? ¿Jantʼó?
XOWAˈ I EXOBNÁMICH
An kʼanidhomtaláb xi achʼál abal na Jehová in tʼajál abal ki pidhaˈ ni ejattal ani ku pujan.
Ki chalpay xowaˈ i exobnámal
¿Jantʼó tin tomnál ki kʼanidhaˈ na Jehová kʼal ejtal ni itsích ani ki kʼakʼnaˈ?
¿Jantʼom chʼejwalixtaláb in pidhál na Jehová xi pujadhich?
¿A léˈ ka pidhaˈ na ejattal na Jehová abal ka tʼójontsi?
KA EXLAˈ JUN XATAˈ MÁS
Ka chuˈuw jantʼó ti jun i ajat ani jun i ubátˈ in léˈnaˈ kin pidhaˈ nin ejattal na Jehová.
Ka chuˈuw kʼeˈet xanéy xi neˈech ti tolmiy ka pidhaˈ na ejattal na Jehová.
«¿Jantʼó ti lej exbadh ki pidhaˈ ni ejattal na Jehová?» (La Atalaya, 15 de enero de 2010)
Ka chuˈuw ba jechéˈ i video an kʼijidhtaláb tam jun xitaˈ kin tʼójontsi na Jehová.
Ka ajay ban biografía janti jun i mímláb in tʼajaˈ ti kwentaj janéy jaˈich xowaˈ xi más exbadh «Ba yan i kʼij u konówiy jantʼó tu kʼwajat techéˈ».