¿Janti tujey an ejattaláb?

«K’al tatáˈ [Dios] k’wajat an ejattaláb» (Salmo 36:9). ¿A belál tatáˈ jechéˈ? Juntsik i atikláb in chalpayal abal an ejattaláb kwetémk’i ti waˈchin, in chalpayaltsik abal yab xitaˈ k’al ti t’ajnék. Max tsubax abal yab xitaˈ tu t’ajámal, tám ni ejattal yab in koˈol ni jun in exbádh, anik’i tu k’wajat. Por max an Ok’oxláb in t’ajámal an ejattaláb, tám jajáˈ, in koˈol chalpadh xanéy alwaˈ abal wawáˈ.a Ka exóbnaˈ an t’ilomtaláb xonti in ólnál janti tujey an ejattaláb ani ka chuˈuw jant’ó ti tsubax a ejtowal ka belaˈ.

1. ¿Janti tujey an k’aylál?

An T’okat Dhutslab in ulal: «Tin tujtal, an Ok’oxláb in tʼajaˈ an walk’iˈ ani an Chabál» (Génesis 1:1). Yan i iniktsik xi lej chalpadh in belál abal an k’aylál in koˈoy in tujtal. ¿Janti in tʼajaˈ an Ok’oxláb an k’aylál? Jajáˈ in éynaˈ «nin tʼokat cháp» abal kin t’ajaˈ ejtal xowaˈ waˈach ban k’aylál: jelti an óttsik, an planetas, an galaxias ani yan xanéy más... (Génesis 1:2).

2. ¿Jant’ó tin t’ajaˈ an Ok’oxláb an Chabál?

Na Jehová «Yab anik’i tin t’ajámal, más alwaˈ in t’ajámal abal ka k’wajay an atiklábtsik» (Isaías 45:18). An Ok’oxláb in tʼajaˈ an Chabál, alwaˈ ani alabél, abal an atiklábtsik kin ejto ka k’wajay abal ech’ek’ij (ka ajay Hechos 17:24, 25). An chalpadh iniktsik in ulal, abal yab waˈach jun i planeta jelti an Chabál, xonti in koˈol ejtal xowaˈ in yejentsal abal ka k’wajay an atiklábtsik.

3. ¿Jant’ó ti júnich an atiklábtsik kʼal an koˈnéltsik?

Tayíl tam tin tʼajaˈ an Chabál, an Ok’oxláb in tʼajaˈ ejtal xowaˈ waˈach. Ok’ox, in tʼajaˈ an ch’ojóltsik ani an koˈnéltsik. Ani tayíl «an Okʼoxláb in tʼajaˈ an atikláb jelti jajáˈ» (ka ajay Génesis 1:27). ¿Jant’ó tu júnich k’al an koˈnéltsik? Kom an Ok’oxláb tu t’ajámal jelti jajáˈ, jaxtám wawáˈ i ejtowal ki tejwaˈmédhaˈ an k’anidhomtaláb ani an lujattaláb. Ani jeye an Okʼoxláb tu tʼajámal abal ki ejto ki exóbnaˈ i káwintalábtsik ani ki elaˈ i kulbétaláb ban són ani ki kʼijidhmédhaˈ i ejattal k’al xowaˈ in tʼajámal. Ani wawáˈ i ejtowal ki tʼajaˈ xowaˈ an koˈnéltsik yab in ejtowal kin tʼajaˈ, wawáˈ i ejtowal ki k’ak’naˈ an Okʼoxláb.

ABAL KI EXÓBNAˈ MÁS

Techéˈ neˈech ki exóbnaˈ juntsik xanéy xi in tejwaˈmedhál abal an Okʼoxláb in tʼajámal ejtal xowaˈ ejat ani jant’ó ti xowaˈ in ulal an Biblia k’al tin kwentaj janti t’ajnék an k’aylál, i ejtowal ki belaˈ. Ani jeye neˈech ki exóbnaˈ xowaˈ tu ok’tsal k’al tin kwentaj an Okʼoxláb xowaˈ an atiklábtsik in tʼajámal.

4. Ejtal xowaˈ ejat t’ajnék k’al xitaˈ

Yan i atiklábtsik u k’ak’nantsáb tin t’ojlábil kom in ch’ilbayal xowaˈ an Okʼoxláb in tʼajámal. Por ¿Jitaˈ lej tsubax in tomnál kin bach’uw an k’ak’naxtaláb? Ka chuˈutsik an VIDEO ani ki t’ilmáchtsik k’al tin kwentaj jechéˈ:

VIDEO: Ki belaˈ an Ok’oxláb (2:43)

• ¿Janéy in ch’ilbayámal an atiklábtsik kʼal xowaˈ an Okʼoxláb in tʼajámal?

Ejtal an atájtsik xi kubadh t’ajadh kʼal jun i atikláb. Por ¿Jitaˈ in t’ajámal ejtal xowaˈ waˈach ban Chabál? Ka ajaytsik Hebreos 3:4 ani ki t’ilmáchtsik kʼal tin kwentaj jechéˈ:

• ¿Janéy jaˈich xowaˈ más ti labandhál kʼal ejtal xowaˈ an Okʼoxláb in t’ajámal?

• ¿Tsubax a ejtowal ka belaˈ abal ejtal xowaˈ waˈach t’ajnék kʼal xitaˈ? ¿Jant’ók’i ta belál?

¿A choˈóbak?

Ti jw.org neˈech ka elaˈ i óltsixtaláb ani videos kʼal tin kwentaj jechéˈ. Ka aliy ban pejats «¿T’ajadh kʼal jun xitaˈ?» ani ban pejats «Xowaˈ juntsik in chalpayal kʼal tin kwentaj janti waˈchin an ejattaláb».

«Ejtal an atátsik yejat ka kʼwajay kubadh kʼal jun xitaˈ; por na Dios jaˈich nin tʼajámal ejtal xowaˈ waˈach».

5. Xowaˈ in ulal an Biblia kʼal tin kwentaj janti waˈchin an ejattaláb i ejtowal ki belaˈ

VIDEO: ¿Tʼajan k’al jun xitaˈ an k’aylál? (chakam pejats) (3:51)

• ¿In ólnál an Biblia abal an Chabál ani ejtal xowaˈ waˈach, t’ajan ba akak a k’itsáj?

• ¿A belál abal tsubax xowaˈ in ulal an Biblia k’al tin kwentaj janti t’ajan an k’aylál? ¿Jant’ók’i ta belál?

Ka ajaytsik Génesis 1:1 ani ki t’ilmáchtsik kʼal tin kwentaj jechéˈ:

• Yan i chalpadh iniktsik in ulal abal an k’aylál in koˈoy in tujtal. ¿Tsubax jayéchk’i xowaˈ in ulal an chalpadh iniktsik k’al xowaˈ in ulal an T’okat Dhutslab?

Juntsik i atikláb in konówiyal tinbáˈ max an Ok’oxláb in t’ajaˈ junk’i i koˈnél ani tayíl k’ale ti jalk’unal k’ayúm ti k’ayúm hasta ka t’ajan xi k’eˈetsik. Ka ajaytsik Génesis 1:21, 25, 27 ani ki t’ilmáchtsik kʼal tin kwentaj jechéˈ:

• ¿In ólnál an Biblia abal an Ok’oxláb in t’ajaˈ junk’i tokot i koˈnél ani tayíl k’ale ti jalk’unal k’ayúm ti k’ayúm hasta ka wenkʼon ti toˈoltsik o hasta ti atiklábtsik? ¿O in tʼajaˈ juntsik ti juntsik an koˈnéltsik?

6. An atiklábtsik júnich ti t’ajadh kʼal ejtal xowaˈ xi an Okʼoxláb in tʼajámal

Wawáˈ u lej júnich kʼal an koˈnéltsik. Ka ajaytsik Génesis 1:26 ani ki t’ilmáchtsik kʼal tin kwentaj jechéˈ:

• An atiklábtsik i ejtowal ki tejwaˈmédhaˈ i k’anidhomtaláb ani yajnantsixtaláb kom u kʼwajat t’ajadh jayéchk’i janti jaˈich an Okʼoxláb. ¿Janéy ti ok’tsal jechéˈ kʼal tin kwentaj janti na Jehová?

XOWAˈ I EXOBNÁMICH

Na Jehová in t’ajaˈ an k’aylál ani ejtal xowaˈ ejat.

Ki chalpay xowaˈ i exobnámal

• ¿Janéy tu ok’tsal an Biblia kʼal tin kwentaj janti tujey an k’aylál?

• ¿In jilaˈ an Okʼoxláb abal junk’i i koˈnél ka k’ale ti jalk’unal ani anchanáˈ ka yaney? O, ¿in tʼajaˈ juntsik ti juntsik an koˈnéltsik?

• ¿Jant’ó ti wawáˈ júnich xantu t’ajadh?

KA EXLAˈ JUN XATAˈ MÁS

Ka chuˈuw juntsik xanéy xi in tejwaˈmedhál abal waˈach jun i Okʼoxláb.

«¿Janéy tu ok’tsal k’al xowaˈ kʼwajat t’ajadh ban Chabál?» (¡Despertad!, septiembre de 2006)

Ki chuˈuw janti jun i tátaˈláb in wiltsal nin chakam k’witólil janti t’ajan ejtal xowaˈ waˈach.

An Okʼoxláb in tʼajaˈ ejtal xowaˈ waˈach (2:37)

Ka exóbnaˈ max xowaˈ u ok’tsixnáb tin kwentaj an evolución jayéchk’i kʼal xowaˈ in ulal an Tʼokat Dhutslab.

«¿In éynaˈ an Okʼoxláb an evolución abal kin tʼajaˈ ejtal xowaˈ k’wajat ejat?» (Artículo de jw.org)

Ki chuˈuw max xowaˈ in elámal an chalpadh iniktsik in tejwaˈmedhál abal jun xitaˈ in t’ajaˈ an k’aylál o kwetémk’i ti waˈchin.

Janti tujey an ejattaláb. Bóˈ xanéy xi in tomnál ki exóbnaˈ (Folleto)