AJUMTALÁB 28
Ka tejwaˈmédhaˈ abal a kʼakʼnál xowaˈ na Jehová ani na Jesús in tʼajámal abal tatáˈ
¿Janéy a achʼál tam i pidhnal jun i chʼejwalixtaláb lej alabél kʼal jun a jaˈúb? Awich xónaˈ, tatáˈ i kulbél tʼajat ani a chalpayal janti a ejtowal ka kʼakʼnantsi na jaˈúb an chʼejwalixtaláb xi ti pidhámal. Na Jehová ani na Jesús tu pidhámal jun i chʼejwalixtaláb xi alwaˈ tʼajat: jechéˈ jaˈich an loˈoxtaláb. Ba jechéˈ i ajumtaláb neˈech ki chuˈuw janéy i ejtowal ki tʼajaˈ abal ki tejwaˈmédhaˈ abal i kʼakʼnál jechéˈ i chʼejwalixtaláb.
1. ¿Janti i ejtowal ki tejwaˈmédhaˈ abal i kʼakʼnál xowaˈ na Jehová ani na Kristo in tʼajámal kʼal wawáˈ?
An Biblia in ulal abal «ejtal xitaˈ kʼál ti ka belan» na Jesús, neˈech kin bachʼuw an ejattaláb xi yab in koˈol in okʼontal (Juan 3:16). ¿Janti i ejtowal ki tejwaˈmédhaˈ i belomtaláb kʼal na Jesús? Yab tokot koˈol ki uluw abal i belál; ani jeye koˈol ki tejwaˈmédhaˈ i belomtaláb kʼal jajáˈ kʼal xowaˈ i tʼajál ti xeˈchintal (Santiago 2:17). Tam i tejwaˈmedhál ni belomtal kʼal xowaˈ i ulal ani kʼal xowaˈ i tʼajál, i chapikmédhál an jaˈúbtaláb xi koˈol kʼal na Jehová ani kʼal na Jesús (ka ajay Juan 14:21).
2. ¿Jowkʼi ti ejtowal ki tejwaˈmédhaˈ abal i kʼakʼnál xowaˈ na Jehová ani na Jesús in tʼajámal?
Jun i akal okʼox ti ka chemech na Jesús, jajáˈ in utsaˈ nin aykóliltsik janéy in ejtowaltsik kin tʼajaˈ abal kin tejwaˈmédhaˈtsik i kʼakʼnaxtaláb kʼal nin chemtal. Na Jesús in junku nin aykóliltsik abal kin tʼajaˈ «nin tʼokat kʼapúchil» jechéˈ ani jeye u bijyáb jelti an Chalpaxtaláb kʼal nin chemtal na Kristo (1 Korintios 11:20). Na Jesús yab in léˈak abal nin aykóliltsik kin ukʼtsi abal jajáˈ in pidhnaˈ tin báˈ kʼal tin kwentaj an atiklábtsik, jaxtám in utsaˈ nin aykóliltsik abal ba jachanˈ i kʼij ani abal tayíl koˈoltsik kin óntsi kin tʼajaˈ jechéˈ i junkuntaláb. In utsaˈ kʼal jechéˈ i káw: «Ka óntsi ka tʼajaˈtsik jechéˈ abal ti kin chalpay» (Lukas 22:19, TNM). Tam i kʼalel abal ka chalpay nin chemtal na Kristo, a tejwaˈmedhál abal a kʼakʼnál tʼajat an kʼanidhomtaláb xi na Jehová ani na Jesús tu kóˈontsal ejtal wawáˈ.
ABAL KI EXÓBNAˈ MÁS
Ki exóbnaˈ janti más i ejtowal ki tejwaˈmédhaˈ abal i kʼakʼnál kom na Jehová ani na Jesús tu kʼanidhál tʼajat. Ani jeye ki chuˈuw jantʼó ti lej exbadh an Chalpaxtaláb kʼal nin chemtal na Kristo.
3. Kʼal xowaˈ ki tʼajaˈ neˈech ki tejwaˈmédhaˈ abal i kʼakʼnál xowaˈ na Jehová ani na Jesús in tʼajámal
Ka chalpay abal i kʼwajat ta lupnal ani jun xitaˈ u tsiˈel abal ti káldhaˈ. ¿Neˈech ka ukʼtsi jikʼatkʼi xowaˈ an atikláb in tʼajaˈ abal ti tolmiy? ¿O neˈech ka aliy xanti ka pidhaˈ ti jalbintsixtaláb?
Wawáˈ i ejtowal ki bachʼuw an ejattaláb xi yab in koˈol in okʼontal kom na Jehová tu kʼanidhál tʼajat. Ka ajaytsik 1 Juan 4:8-10 ani ki tʼilmáchtsik kʼal tin kwentaj jechéˈ:
¿Jantʼó ti nin chemtal na Jesús jaˈich jun i chʼejwalixtaláb xin koˈol tʼajat yan in jalbíl?
¿Janéy a achʼál kʼal xowaˈ na Jehová ani na Jesús in tʼajámal kʼal tatáˈ?
¿Janti i ejtowal ki tejwaˈmédhaˈ abal i kʼakʼnál kʼal xowaˈ na Jehová ani na Jesús in tʼajámal kʼal wawáˈ? Ka ajaytsik 2 Korintios 5:15 ani 1 Juan 4:11 ani 5:3. Tam a ajyámalichtsik xowaˈ in ulal an Biblia ki tʼilmáchtsik kʼal tin kwentaj jechéˈ:
¿Janti i ejtowal ki tejwaˈmédhaˈ i kʼakʼnaxtaláb?
4. Ki chʼilbay na Jesús
Kʼeˈet xanéy xi ejtowal ki tʼajaˈ abal ki tejwaˈmédhaˈ i kʼakʼnaxtaláb jaˈich, ki chʼilbay na Jesús. Ka ajaytsik 1 Pedro 2:21 ani ki tʼilmáchtsik kʼal tin kwentaj jechéˈ:
Ani tatáˈ, ¿janti a ejtowal ka chʼilbay na Jesús ta xeˈchintal?
Na Jesús in kʼanidhálak nin Káwintal an Okʼoxláb, in ólnálak an alwaˈ tʼilab ani in tolmiyálak kʼeˈet i atiklábtsik.
5. I chalpayal nin chemtal na Kristo
Abal ka chuˈuw janéy in tʼajaˈ na Jesús ban jidhtal tʼokat kʼapúchnich, ka ajaytsik Lukas 22:14, 19, 20. Ani tayíl ki tʼilmáchtsik kʼal tin kwentaj jechéˈ:
¿Janéy tʼajan ban tʼokat kʼapúchnich xin tʼajaˈ na Jesús?
¿Janéy in léˈ kin uluw an pan ani an vino? (Ka ajaytsik an versículos 19 ani 20).
Na Jesús in léˈak abal nin aykóliltsik júníl ti tamub kin chalpay an tʼokat kʼapúchnich ban kʼitsáj jowkʼi ti jajáˈ ti chemech. Jaxtám, an óltsixtsik kʼal a Jehová tamub ti tamub u junkunal abal ki chalpay nin chemtal na Jesús, ani i tʼajál anchanˈ xanti jajáˈ in tʼajaˈ. Abal ka chuˈuw xanti tu tʼajnal, ka chuˈuw an VIDEO. Tayíl ki tʼilmáchtsik kʼal tin kwentaj jechéˈ:
¿Janéy u tʼajnal tam u chalpayáb nin chemtal na Kristo?
An pan ani an vino jaˈichkʼi tokot jun i chʼilbaxtaláb. An pan in léˈ kin uluw nin tʼuˈúl xi tʼokat xin pidhnaˈ na Jesús abal ejtal wawáˈ. Ani an vino in léˈ kin uluw nin xichʼál na Jesús.
XOWAˈ JUNTSIK IN ULAL: «Abal ki loˈey, tokotkʼi koˈol ka belaˈ na Jesús».
¿Janti neˈech ka éynaˈ Juan 3:16 ani Santiago 2:17 abal ka ólnaˈ abal yejat jeye ki tʼajaˈ kʼeˈet xanéy?
XOWAˈ I EXOBNÁMICH
I tejwaˈmedhál abal i kʼakʼnál xowaˈ na Jesús in tʼajaˈ, tam i tejwaˈmedhál i belomtaláb kʼal jajáˈ ani tam u junkunal abal ki chalpay nin chemtal.
Ki chalpay xowaˈ i exobnámal
¿Janti i tejwaˈmedhál i belomtaláb ba na Jesús?
¿Janti a léˈ ka tejwaˈmédhantsi abal a kʼakʼnál xowaˈ na Jehová ani na Jesús in tʼajámal kʼal tatáˈ?
¿Jantʼó ti lej exbadh ki kʼale tam u chalpayáb nin chemtal na Kristo?
KA EXLAˈ JUN XATAˈ MÁS
Janéy in tomnál ki tʼajaˈ kom na Jesús in pidhnaˈ in ejattal.
Na Jesús in éynaˈ nin ejattal abal kin kʼakʼnaˈ na Jehová (9:28)
Ka exóbnaˈ más janéy jaˈich an belomtaláb ani janti i ejtowal ki tejwaˈmédhaˈ.
«Ki belaˈ xowaˈ na Jehová in ulúmal neˈech kin tʼajaˈ» (La Atalaya, octubre de 2016)
Ka ajay janti tolmiyat jun i uxum kin jalkʼuy nin ejattal kom in exbay abal na Jesús in pidhnaˈ nin ejattal abal ejtal an atiklábtsik. Ka ajay xowaˈ in watʼnaˈ ba jechéˈ i tʼilab xin bij: «Xoˈ u achʼál in kʼijidh kom u tʼojontsal na Jehová».
Ka chuˈuw jantʼó ti wéˈ i atiklábtsik in kʼapal an pan ani in uchʼál an vino.