AJUMTALÁB 45
¿Janéy in léˈ kin uluw yab ki tolmiy ni jun i takʼix?
Na Jesús in okʼtsi nin exóbaliltsik abal «yabich u kidhtaláb kʼal an kʼaylá» (Juan 15:19). Jechéˈ in léˈ kin uluw abal yab i pidhnál i tolmixtaláb ban política nibal ban péjéxtaláb. Juntsikíl awich ki achʼaˈ tʼojláb kom yab i tolmiyal an takʼixtsik. Anchanáˈ, awich tu ku lábnaˈ. ¿Janti i ejtowal ku kʼwajay lujat kʼal na Jehová ani yab ki tolmiy ni jun i takʼix?
1. ¿Janti in chuˈtal an óltsixtsik kʼal a Jehová an takʼixtsik?
An belomtsik kʼal na Jehová i kʼakʼnál an takʼixtsik. Na Jesús in uluw: «ka pidhaˈ an lej pulek takʼix romano xowaˈ in lujyal kin bachʼu». Ani jaˈich xowaˈ i tʼajál kʼal an awiltalábtsik: jelti tam yejat ki jalbiy jun xanéy (Markos 12:17). An Biblia tu okʼtsal abal an awiltalábtsik u takʼix, kom anchanˈ tin jilál na Jehová (Romanos 13:1). Jaxtám i exbayal abal nin awiltalábil an takʼixtsik yab putat kom na Dios jaˈich xi más púlek. U kʼwajat tsububudh abal an takʼix xi na Dios in takwyámal neˈech kin lejkiy an dhukʼeltalábtsik tin pubél an Chabál.
2. ¿Janti i tejwaˈmédhál abal yab i tolmiyal an takʼixtsik?
Wawáˈ weye jelti na Jesús, yab u ochel kʼal an política. Tam ti an atiklábtsik in chuˈuw an labandhaxtaláb xin tʼajaˈ na Jesús in léˈnaˈtsik kin bijiy ti takʼix techéˈ ti Chabál, por na Jesús yab in léˈnaˈ (Juan 6:15). ¿Jantʼókʼi ti yab in léˈna? Kom jajáˈ in uluw más tayíl: «Nanáˈ yab techéˈ in takʼix ban kʼayˈlá» (Juan 18:36). Nin aykóliltsik na Kristo i tejwaˈmédhál abal yab i tolmiyal ni jun i takʼix. Jun kʼal jechéˈ jaˈich, abal yab u kʼalel ban pejextaláb (ka ajay Miqueas 4:3). Ani yab i chápnédhál an bandera kom max ki tʼajaˈ jechéˈ jaˈich jelti max kʼwajat i kʼakʼnál (1 Juan 5:21). Ani yab i káwintsal nibal i tolmiyal jun i takʼix. Anchanáˈ i tejwaˈmédhál abal tokot i tolmiyal nin Takʼixtal an Okʼoxláb.
ABAL KI EXÓBNAˈ MÁS
Ki chuˈuw juntsik xanéy xin tʼajál ki achʼaˈ tʼojláb yab ki tolmiy jun i takʼix ani ki exóbnaˈ janéy i ejtowal ki tʼajaˈ abal ki kulbédhaˈ na Jehová.
3. Nin tsubax aykólil na Jesús yab i tolmiyal ni jun i takʼix
Na Jesús ani nin aykólil tu óltsi janti ki tʼajaˈ. Ka ajaytsik Romanos 13:1, 5-7 ani 1 Pedro 2:13, 14. Tayíl ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Jantʼókʼi ti koˈol ki kʼakʼnaˈ an awiltalábtsik?
¿Janti i ejtowal ki xalkʼaˈ abal i tʼajál xowaˈ tu kontsal?
Tam waˈach i péjéxtaláb juntsik i bitsow in ulal abal u ochˈom por kʼal xowaˈ in tʼajáltsik in xalkʼál abal yab aniˈ. Tám, ¿janéy in léˈ kin uluw yab ki tolmiy jun i takʼix? Ka ajaytsik Juan 17:16. Ani tayíl ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Janéy in léˈ kin uluw yab ki tolmiy ni jun i takʼix?
Juntsikíl an awiltaláb tu kontsal ki tʼajaˈ jun xataˈ xi an Biblia in pojkál. ¿Tám janéy koˈol ki tʼajaˈ? Ka ajaytsik Hechos 5:28, 29. Ani tayíl ka chuˈutsik an VIDEO ani ki tʼilmáchtsik kʼal tin kwentaj jechéˈ:
Max jun i takʼix ti utsaˈ ka tʼajaˈ jun xataˈ xi an Okʼoxláb yab in kulbetnál, ¿jitaˈ koˈol ka tʼajaˈ ti kwentaj?
¿A chalpayal joykʼi ti yab in tomnál ki tʼajaˈ ti kwentaj an takʼixtsik?
4. Ki xalkʼaˈ kʼal xowaˈ i chalpayal ani i tʼajál abal yab i tolmiyal ni jun i takʼix
Ka ajaytsik 1 Juan 5:21. Ani tayíl ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Jantʼó ti na Ayenge yab in tolmiy ni jun i takʼix nibal in chápnédhaˈ an bandera?
¿A chalpayal abal alwaˈ xowaˈ in tʼajaˈ?
¿Jantʼó ti ejtowal ki achʼaˈ tʼojláb ki tolmiy tokot nin Takʼixtal an Okʼoxláb? Ka chuˈutsik an VIDEO ani ki tʼilmáchtsik kʼal tin kwentaj jechéˈ:
¿Janti i ejtowal ki xalkʼaˈ abal yab i tolmiyal ni jun i takʼix tam waˈach i ubátʼnich kʼal kʼeˈet i bitsowtsik?
¿Janti i ejtowal ki xalkʼaˈ abal yab i tolmiyal ni jun i takʼix tam in tʼajáltsik jun xataˈ alwaˈ o tu waltsal?
¿Janéy neˈech ka watʼey max ki lej tʼajaˈ ti kwentaj xowaˈ in ulal an noticias ani xowaˈ in tʼilál an atikláb?
¿Jowkʼi tin ejtowal kin tejwaˈmédhaˈ jun i óltsix kʼal a Jehová kʼal xowaˈ in tʼajál ani kʼal xowaˈ in chalpayal abal yab in tolmiyal ni jun i takʼix?
XOWAˈ JUNTSIK IN KONIAL: «¿Jantʼó ti yab a chápnédhál an bandera nibal a ajatnál an himno nacional?».
¿Janti neˈech ki tokʼon?
XOWAˈ I EXOBNÁMICH
An óltsixtsik kʼal a Jehová in chápnantsal abal yab kin tolmiy ni jun i takʼix, ani anchanáˈ tin tejwaˈmédháltsik kʼal xowaˈ in chalpayal, kʼal xowaˈ in ulal ani kʼal xowaˈ in tʼajál.
Ki chalpay xowaˈ i exobnámal
¿Janéy in tomnál ki tʼajaˈ kʼal an awiltalábtsik?
¿Jantʼó ti yab i tolmiyal ni jun i takʼix?
¿Jantʼó ti ejtowal ki achʼaˈ tʼojláb ki tolmiy tokot nin Takʼixtal an Okʼoxláb?
KA EXLAˈ JUN XATAˈ MÁS
¿Janéy koˈol ki jilaˈ ki tʼajaˈ abal ki xalkʼaˈ abal yab i tolmiyal nin jun i takʼix?
¿Janéy in ejtowal kin tʼajaˈ an yanelábtsik abal ka tʼojojon abal ka kʼwajaytsik lujat kʼal na Jehová?
Yab ki tolmiy xowaˈ an takʼixtsik in tʼajál xon tu kʼwajíl (4:25)
Yan i atiklábtsik in tʼojontsal nin bitsówil ani in ulaltsik abal jaˈich xowaˈ na más alwaˈ ¿por tsubax lejtal?
¿Janti ti tejwaˈmédhál abal yab i tolmiyal jechéˈ i xeˈchintaláb tam i takwyal jun i tʼojláb?
«Juntsik ti éb neˈech ki óltsi an Okʼoxláb xantéy i tʼajámal» (La Atalaya, 15 de marzo de 2006)