LIVE JALIKE JESUS
Da Sheep Guys Work Hard Fo Malama Jehovah’s Peopo
Plenny peopo tink ony bad bout da guys who get powa. An easy fo know why dey tink lidat. Cuz fo long time, peopo who get powa ony use um fo do wat dey like. (Mic 7:3) We stay so tankful dat da eldas in da local hui stay trained fo use da powa dey get ony fo malama God’s peopo.—Esther 10:3; Mat 20:25, 26.
Eldas, dey not like da guys who get powa in dis world. Dey reach out fo be ovaseahs, not fo demselfs, but cuz dey love Jehovah an his peopo. (John 21:16; 1 Pet 5:1-3, NWT) Cuz Jesus dea boss, he wen tell dem fo be like sheep guys dat take kea da sheep. Dass why da eldas try fo make erybody feel right at home in Jehovah’s hui, an fo stay tight wit him. Dey ack fas fo give spiritual kokua to Jehovah’s sheep, an if get one medical kine emergency, o one disasta dey stay ready fo help too. If you need kokua, why you no try go to one of da eldas in yoa local hui?—Jam 5:14.
WATCH UM DA VIDEO DA SHEEP GUYS WHO TAKE KEA DA SHEEP, AN DEN ANSA DESE QUESTIONS:
How wen turn out good fo Mariana cuz she had get kokua from da eldas?
How wen turn out good fo Elias cuz he had get kokua from da eldas?
From da stuff dat wen happen, how dat affeck da way you see da work eldas do?