LIVE JALIKE JESUS

Kokua Peopo Who No Kea Bout Religion Fo Know Dea Mayka

You eva no like preach to somebody who no kea bout religion cuz you tink dey no going like lissen? If you tink lidat, rememba choke guys who no kea bout religion—even da guys who no believe in God—wen come Witnesses Fo Jehovah. Plenny times all dey needed was small kine kokua fo show dem da proof dat God stay real.—Rome 1:20; 10:14.

WATCH UM DA VIDEO REMEMBA—GUYS WHO NO TRUS GOD CAN CHANGE—PEOPO WHO NO KEA BOUT RELIGION, AN DEN ANSA DIS QUESTION:

How da stuff Tommaso wen go thru kokua you fo tink good about preaching to da peopo who no kea bout religion?

Yoa ansa

How fo do um

Wen somebody tell dey no believe in God, in one nice kine way show dem you really kea about how dey feel, an how come dey tink lidat. (2 Tim 2:24) Try wala’au bout tings dey like. You tink dey might like talk about stuff dat wen kokua odda guys fo believe dat get one Mayka? If ya, den use da publications an videos dat stay made jus fo dat. Da brochures Was Life Created? an The Origin of Life—Five Questions Worth Asking now stay in oua Teaching Toolbox so moa easy fo get to.

Wen you firs start, you might feel litto bit sked fo talk story bout da trut wit somebody who no believe in God. Why no ask one long time preacha fo kokua you? An no foget dat Jehovah going kokua us fo help guys wit one good heart believe oua Mayka stay real—even if dey neva befoa.—Jesus Guys 13:48.