APRIL 1-7
SONGS FO GOD 23-25
Song 4 An Prayer | Wat We Going Learn (1 min.)
1. “Jehovah Take Kea His Sheeps”
(10 min.)
Jehovah show us da way fo go (Songs 23:1-3; w11-E 5/1 31 ¶3)
Jehovah proteck us (Songs 23:4; w11-E 5/1 31 ¶4)
Jehovah feed us (Songs 23:5; w11-E 5/1 31 ¶5)
Jehovah take kea his guys jalike da sheep guy love an take kea his sheep.
TRY TINK, How Jehovah take kea me?
2. Good Kine Tings
(10 min.)
Songs 23:3—Wat “da bestes trail,” an wat going help us not fo leave um? (w11-E 2/15 24 ¶1-3)
Wat good kine tings from da Bible reading you like share?
3. Bible Reading
(4 min.) Songs 23:1–24:10 (th-E study 5)
4. Trying Fo Talk Story Da Firs Time
(3 min.) RELAX KINE PREACHING. Tell someting good from da Bible wit somebody who stay worried about da earth. (lmd lesson 2 poin 5)
5. Going Back Again
(4 min.) HOUSE TO HOUSE. Show how fo study da Bible wit somebody who wen take da You Can Live Good Foeva! brochure. (lmd lesson 9 poin 3)
6. Helping Dem Be Followas
(5 min.) lff lesson 14 numba 4 (lmd lesson 11 poin 3)
Song 54
7. Shut Down Da Voice Of Da Guy We Donno
(15 min.) Talk wit question an ansa.
Sheeps know da voice of dea sheep guy an follow him. But dey dig out from da guy wit one voice dey donno. (John 10:5) Same ting, we lissen to da voice of da guys who love us an we trus, Jehovah an Jesus. (Songs 23:1; John 10:11) But we shut down da voice of da guy we donno cuz dey try make oua faith come weak wit dea “any kine make up stories.”—2 Pet 2:1, 3.
Da Start chapta three tell about da first time da voice of da guy we donno was heard on earth. Satan neva tell Eve who he really was an wen make like he was her fren. He wen lie about wat Jehovah wen say an why Jehovah do wat he do. Was sad cuz Eve wen lissen an cuz of dat her an her ohana wen suffa plenny.
Satan try make us doubt Jehovah an his hui by spreading bad stuff, tings dat only half true an strait up lies. Wen we hear da voice of somebody we donno, we should dig out! If we curious an even lissen ony fas kine, dass abunai. Wen Satan wen talk story wit Eve, how much words he wen use fo fool her? (Start 3:1, 4, 5) Wat if somebody who love us an kea about us like share bad stuff about Jehovah’s hui?
Play da VIDEO Shut Down Da Voice Of Da Guy We Donno. Den ask erybody:
Wat you wen learn from how Jade wen ack wit her maddah who no was one Witness?
8. Bible Study Wit Da Local Hui
(30 min.) bt-E chap. 8 ¶1-4, boxes on pp. 61-62