APRIL 8-14
SONGS FO GOD 26-28
Song 34 An Prayer | Wat We Going Learn (1 min.)
1. Wat Wen Help David Fo Do Wass Right
(10 min.)
David wen ask Jehovah fo help him come one moa betta guy (Songs 26:1, 2; w04-E 12/1 14 ¶8-9)
David neva hang out wit guys dat do bad kine stuff (Songs 26:4, 5; w04-E 12/1 15 ¶12-13)
David wen love fo worship Jehovah (Songs 26:8; w04-E 12/1 16 ¶17-18)
Even tho David had make mistakes, he wen try fo “do eryting da right way.” (1 Ki 9:4) Erybody could see how David wen go all out fo serve an love Jehovah.
2. Good Kine Tings
(10 min.)
Songs 27:10—How dis scripcha make us feel good if we feel like oua frens wen bag out on us? (w06-E 7/15 28 ¶15)
Wat good kine tings from da Bible reading you like share?
3. Bible Reading
(4 min.) Songs 27:1-14 (th-E study 2)
4. Trying Fo Talk Story Da Firs Time
(2 min.) HOUSE TO HOUSE. Use one tract from oua Teaching Toolbox. (th-E study 3)
5. Going Back Again
(4 min.) HOUSE TO HOUSE. Talk about da question on da back of da tract dat you wen leave da las time. Show dem jw.org an wat get on top dea. (lmd lesson 9 poin 3)
6. Talk
(5 min.) lmd appendix A poin 3—Wat Stay About: Da Earth Going Be All Clean Again. (th-E study 13)
Song 128
7. Teenagers Who Stay Clean In God’s Eyes
(15 min.) Talk wit question an ansa.
Teenagers gotta fight hard fo stay clean in God’s eyes. Dey get hard time cuz dey no stay perfeck an cuz dey young dey not pas da time wen sex-kine feelings is strong an dat can make um so dey no see tings clear. (Rome 7:21; 1 Cor 7:36) An dey gotta fight da non stop presha from oddas fo have sex, strait o mahu kine. (Efe 2:2) We proud of dose guys dat lissen to Jehovah an stay clean fo him.
Play da VIDEO Life Az One Teenager —How I Can Fight Da Presha Fo Have Sex Befo I Stay Married? Den ask erybody:
Wat kine presha Cory an Kamryn had get?
Wat wen help dem for stay clean?
Wat Bible truts can help you fo hando da same kine presha?
8. Bible Study Wit Da Local Hui
(30 min.) bt-E chap. 8 ¶5-12