AUGUST 5-11

TREASURES FROM DA BIBLE

1. Tell Da Nex Generation About Da Kine Powa God Get

(10 min.)

Wen David was one young boy, he wen see Jehovah proteck him (Songs 71:5; w99-E 9/1 18 ¶17)

Wen David was old, he wen see Jehovah take kea him (Songs 71:9; g04-E 10/8 23 ¶3)

David wen build up da younga guys by telling dem wat wen happen to him (Songs 71:17, 18; w14-E 1/15 23 ¶4-5)

Da ohana from last week’s part “Tings Fo Help Yoa Ohana Study.” One olda coupo sharing pichas an stories wit dem at dea ohana study.

TRY TINK, Get anybody in yoa local hui dass been serving Jehovah long time dat you like intaview fo yoa Ohana Study?

2. Good Kine Tings

(10 min.)

Songs 72:8—In Da Start 15:18, how Jehovah’s promise to Abraham wen come true wen Solomon was King? (it-1-E 768)

Yoa ansa
Wat good kine tings from da Bible reading you like share?

Yoa ansa

3. Bible Reading

(4 min.) Songs 71:1-24 (th-E study 5)

HOW FO COME ONE BETTA PREACHA AN TEACHA

4. Trying Fo Talk Story Da Firs Time

(3 min.) HOUSE TO HOUSE. Wen you talking story an somebody start fo get all nutz, try end um in one nice way. (lmd lesson 4 poin 5)

5. Going Back Again

(4 min.) RELAX KINE PREACHING. You talking again wit somebody in yoa ohana an dey not shua if dey like study da Bible. (lmd lesson 8 poin 4)

6. Tell Wat You Believe

(5 min.) Talk. ijwfq-E 49—Wat Stay About: How Come Witnesses Fo Jehovah Sometimes Change Up Wat Dey Believe? (th-E study 17)

LIVE JALIKE JESUS

7. Some Stuffs You Can Do Fo Ohana Study

(15 min.) Talk wit question an ansa.

Da same ohana standing up an practicing one song fo da meetings.

One of da girls practicing wat she going say wit her maddah wen dey doing dea ohana study.

Da Ohana study sesh is da bestes time fo yoa kids learn wat Jehovah “like um fo know an fo do.” (Efe 6:4) Wen da kids start fo like learn about da Bible, can be good fun even tho take plenny work. (John 6:27; 1 Pet 2:2) Fo help da parents try make da Ohana Study sesh fun an da kids learn someting, go look da box “Ideas Fo Ohana Study”. Afta dat, talk about dese questions:

Which of dese tings you like try?

Yoa ansa
You wen find someting else dat work good?

Yoa ansa

IDEAS FO OHANA STUDY

DA BIBLE:

Play an lissen to da Bible reading fo da week o take turns reading um out loud. Each person in da family can read da part of one diffren Bible character
Make up some questions from da Bible reading fo dat week. Have erybody pick one question an research um. Den dey can share wit erybody wat dey wen find
Bring up one question o talk about someting dat could happen, an den look fo Bible truts inside Scriptures for Christian Living dat can help
Ack out one part in da Bible
Make one flash card wit one diffren scripcha ery week, like da scripchas in appendix A in da brochure Love Peopo—Make Followas, an try fo rememba um. Go ova da cards from da weeks befoa
Study part of da You Can Live Good Foeva! book
Have somebody in da ohana make one report about one of da articles from da series “Ansas To Questions About Da Bible” o from “Breaking Down Da Scripchas.” You can find um unda da WAT DA BIBLE TEACH tab on jw.org/hwc

MEETINGS:

Study fo part of da meeting
Get one ansa ready, practice um an make shua da ting not too long
Practice singing da songs fo da meeting
Talk about tings you can say to somebody befoa an afta da meeting fo build dem up an practice um
If you get one part at da meeting, practice um in front da ohana

FIELD SERVICE:

Make ready fo go house-to-house
Make ready fo go back an talk story again
Tink about one place wea you can do relax kine preaching an den practice how you going start fo talk story
Talk story about how you can do moa in field service wen you get time off from work, wen da kids get time off from school o aroun da time of da Memorial

WAT DA OHANA NEED:

Have one practice sesh on how fo hando wen someting come up like choosing sides, bullying, dating, o da holidays
Make pretend da kids is da parents an da parents is da kids. Den have da kids look up someting an den help da parents fo undastan um

MOA STUFFS YOU CAN DO:

Watch an talk about da JW Broadcasting^®
Read o watch someting from jw.org an talk about um
Go ova someting from “Teens & Young Adults” o “Keiki” unda WAT DA BIBLE TEACH on top jw.org/hwc
Go ova da notes from one of da big kine meetings
Check out someting Jehovah wen make o do research on um an den talk about wat dat teach you about Jehovah
Once in a while, ask somebody fo jump in wit you guys an den intaview um
Make spiritual goals an talk about how fo reach um
Work on someting togedda like one model, map, o one chart

Play da VIDEO Keep Making Yoa Ohana Study Moa Betta. Den ask erybody:

How one husband can make his ohana study moa betta an fun fo his wife even tho dey no moa kids?

Yoa ansa

8. Bible Study Wit Da Local Hui

(30 min.) bt chap. 13 ¶17-24