OCTOBA 28–NOVEMBA 3

SONGS FO GOD 103-104

Song 30 An Praya | Wat We Goin Learn (1 min.)

TREASURES FROM DA BIBLE

1. “He No Foget Dat Us Ony Dus”

(10 min.)

Cuz Jehovah love an feel sorry fo us, dat move him fo be flexible (Songs 103:8; w23.07 21 ¶5)

Wen we jam up, he no give up on us (Songs 103:9, 10; w23.09 6-7 ¶16-18)

He no expeck us fo do moa den we can (Songs 103:14; w23.05 26 ¶2)

One wife telling her husband how she feel an he lissening real good.

TRY TINK, Da way Jehovah stay flexible wit us, I make same same wit my odda half?

2. Good Kine Tings

(10 min.)

Songs 104:24—Wat dis scripcha teach us about Jehovah’s powa fo create new an differen tings? (cl-E 55 ¶18)

Yoa ansa
Wat good kine tings from da Bible reading you like share?

Yoa ansa

3. Bible Reading

(4 min.) Songs 104:1-24 (th-E study 11)

HOW FO COME ONE BETTA PREACHA AN TEACHA

4. Trying Fo Talk Story Da Firs Time

(3 min.) PUBLIC PREACHING. (lmd lesson 3 point 4)

5. Goin Back Again

(4 min.) HOUSE TO HOUSE. Talk bout da video Get Ready fo Learn da Bible wit somebody who jus started fo study. (th-E study 9)

6. Talk

(5 min.) lmd appendix A point 6—Wat Stay About: Husbands “Gotta Show Love An Aloha Fo Yoa Wifes Jalike You Love Yoaselfs.” (th-E study 1)

LIVE JALIKE JESUS

Song 44

7. You Know Yoa Limits?

(15 min.) Talk wit question an ansa.

Wen us give Jehovah oua bes, dat make him an us happy. (Songs 73:28) But wen we try do oua bes witout tinking about oua limits, dat can make us feel all junk an stress out.

Da young sistah from da video “We Can Do Moa If We No Expeck Too Much Of Ouaself.”

Play da VIDEO We Can Do Moa If We No Expeck Too Much Of Ouaself. Den ask erybody:

Wat Jehovah expeck of us? (Mic 6:8)

Yoa ansa

One part from da video “We Can Do Moa If We No Expeck Too Much Of Ouaself.” Da young sistah wit her fren encouraging one Bible study at one restaurant.

Wat wen help da sistah fo no worry too much bout reaching her goal?

Yoa ansa

HOW FO FIGGA WAT WE CAN DO?

No compare (Gal 6:4) We no gotta do wat oddas do. An no tink dat jus cuz dey can do um, you can do um too. Maybe you can do moa o not az much az somebody who same age o who get da same family situation az you
No stop trying new tings jus cuz you sked (Rome 12:1; 1 Cor 7:31) No be sked fo try anodda way fo serve Jehovah even tho you might tink iz too hard o you not goin like um.—Mal 3:10
Figga out wat you can do by making short-term goals Fo exampo, you tink you can be one full-time preacha? Fo coupo monts, you tink you can try spend litto bit moa time preaching o sign up fo be one part-time preacha? You can be one full-time preacha fo one yea? Maybe you wen figga you no can be one full-time preacha o ony can do um fo one yea, still yet you goin be happy cuz you wen reach yoa smalla goals.—Teacha 6:9
Change um up if gotta. Stuffs in oua life not goin stay da same, an same ting fo how much we can do. So iz good fo look at yoa goals again

8. Bible Study Wit Da Local Hui

(30 min.) bt chap. 17 ¶8-12, box on p. 137