JULY 28–AUGUST 3

TREASURES FROM DA BIBLE

1. Make Yoaself Strong Fo Wen Times Get Hahd

(10 min.)

Learn wat fo do an be akamai (Smart Guys 24:5; it-2 610 ¶8)

Wen you come bum out, make shua you pray, read da Bible eryday an go meetings (Smart Guys 24:10; w09 12/15 18 ¶12-13)

Wen oua love an trus in Jehovah stay strong, dat goin help us get up again (Smart Guys 24:16; w20.12 15)

One sistah wit mayjah healt problems, iz happy fo preach wit her fren house to house. She share someting on her tablet wit one lady at her door.

2. Good Kine Tings

(10 min.)

Smart Guys 24:27—Wat we learn from dis scripcha? (w09 10/15 12)

Yoa ansa
Wat good kine tings from da Bible reading you like share?

Yoa ansa

3. Bible Reading

(4 min.) Smart Guys 24:1-20 (th study 11)

HOW FO COME ONE BETTA PREACHA AN TEACHA

4. Trying Fo Talk Story Da Firs Time

(2 min.) RELAX KINE PREACHING. You neva get chance fo tell dem about Jehovah wen you wuz talking story. (lmd lesson 2 point 4)

5. Trying Fo Talk Story Da Firs Time

(3 min.) HOUSE TO HOUSE. (lmd lesson 3 point 4)

6. Trying Fo Talk Story Da Firs Time

(3 min.) PUBLIC PREACHING. Tell somebody how dey can study da Bible an give dem one Bible course contack card. (lmd lesson 4 point 3)

7. Talk

(3 min.) lmd appendix A point 11—Wat Stay About: God Talk Story Wit Us. (th study 6)

LIVE JALIKE JESUS

8. Help Each Odda Wen Tings Stay Hahd

(15 min.) Talk wit question an ansa.

Tings like diseases, natural disastas, protests, or guys goin agains us can happen anytime. Wen dat happen, Witnesses come togedda fo help each odda. Even if dat no happen to us, we still feel fo oua braddahs an try oua bes fo help um.—1 Cor 12:25, 26.

Pichas: Braddahs an sistahs helping odda braddahs an sistahs in all kine ways. 1. Braddahs an sistahs build one Kingdom Hall dat wen get destroyed in one natural disasta. 2. Braddahs an sistahs show aloha an welcome one maddah an daughta dat stay refugees. 3. One sistah put a donation in one contribution box at da Kingdom Hall. 4. Braddahs an sistahs at one Kingdom Hall give refugee braddahs an sistahs da stuff dey need. 5. Volunteas drop off cases of bottle water. 6. One braddah pray.

Read 1 Kings 13:6 an James 5:16. Den ask erybody:

How come iz good fo pray fo oua braddahs?

Yoa ansa

Read Mark 12:42-44 an 2 Corint 8:1-4. Den ask erybody:

How come we no like hold back fo donate fo help oua braddahs even if we ony get litto bit money?

Yoa ansa

Play da VIDEO Help Oua Braddahs Come Strong Wea Da Work Iz Kapu. Den ask erybody:

Wat da braddahs wen do fo help out da Witnesses dat live East Side Europe wea da work stay kapu?

Yoa ansa
How da braddahs wen lissen to wat da Bible tell bout meeting togedda an giving each odda good kine words?—Heb 10:24, 25

Yoa ansa

9. Bible Study Wit Da Local Hui

(30 min.) lfb story 4-5