DECEMBA 22-28
ISAIAH 11-13
Song 14 An Praya | Wat We Goin Learn (1 min.)
1. Wat Da Messiah Wuz Goin Be Like?
(10 min.)
He wuz goin come from Jesse ohana tru his boy David (Isa 11:1; w11 4/1 4 ¶6-mwbr)
He wuz goin have God’s spirit an plenny respeck fo Jehovah (Isa 11:2, 3a; ip-1 159 ¶6-mwbr; w23.06 15 ¶5)
He wuz goin be one judge dat give peopo chance an always do da right ting (Isa 11:3b-5; ip-1 160 ¶9-mwbr; 161 ¶11-mwbr)
TRY TINK: Wat make Jesus way moa betta den any human rula?
2. Good Kine Tings
(10 min.)
Isa 12:4, NWT—Wat it mean fo call on Jehovah’s name? (w25.05 30 ¶15)
Wat good kine tings from da Bible reading you like share?
3. Bible Reading
(4 min.) Isa 11:1-12 (th-E study 11)
4. Trying Fo Talk Story Da Firs Time
(3 min.) HOUSE TO HOUSE. (lmd lesson 2 point 5)
5. Going Back Again
(4 min.) PUBLIC PREACHING. Use jw.org fo ansa one question da person ask. (lmd lesson 8 point 3)
6. Helping Dem Be Followas
(5 min.) Help yoa Bible learna fo make ready fo preach house to house wit you. (lmd lesson 11 point 4)
Song 57
7. You “Judge Da Right Way”?
(15 min.) Talk wit question an ansa.
Ery day we judge peopo an sometimes witout even tinking about um. Plenny times we judge oddas by wat we see. But Jesus judge peopo diffren an he da one we like copy. (Isa 11:3, 4) Jesus can see dea heart an kno wat dey tinking an why dey tink dat way. We no can do dat. But we can do oua bes fo copy Jesus. He wen tell, “No ack jalike one judge wen you guys can see ony da outside stuff. If you guys goin ack jalike one judge, gotta judge da right way.”—John 7:24.
If we judge oddas by wat we see, dat can jam up how we preach. Fo exampo, maybe we no like preach in places wea get plenny peopo from one race or religion. Or maybe we no like preach in rich or pooa neighbahoods. Maybe cuz of how somebody look, we tink dey not goin lissen. Jehovah like “take all da peopo outa da bad kine stuff dey stay do, an he like dem come fo know da true stuff.”—1 Tim 2:4.
Play da VIDEO Wat We Learn From Da Place Fo Watch From—No Judge Oddas By How Dey Look. Den ask erybody:
How wuz peopo judging oddas in da video?
If we start fo judge oua braddahs an sistahs, wat could happen to da hui?
Wat wen help dese braddahs an sistahs fo no judge oddas by how dey look?
Wat tings you wen learn from da Place Fo Watch From lesson?
8. Bible Study Wit Da Local Hui
(30 min.) lfb story 46-47