Tings Dat Wen Happen

Showing Pity Fo All Kine Peopo

One day, one sistah in New Zealand wen watch one video dat talk about how Jehovah no ony feel pity but show um too. (Isa 63:7-9) She wen try fo do wat she had learn, an wen look fo one chance fo help somebody. Layta dat day she wen go grocery shopping, an she wen meet one homeless lady an ask if she could buy her someting fo eat. Da lady had like dat. Wen da sistah wen come back wit da food, she wen preach small kine an wen show da tract Wen Dis Pain Goin End?

Da lady wen start fo cry. Den she go tell dat she wen grow up one Witness but wen leave da trut long time ago. But lately, she been praying to Jehovah fo help her come back to him. Da sistah wen give da lady one Bible an dey wen set up one Bible study.a

Like Jehovah we can show pity to all kine peopo, even oua family an braddahs an sistahs in da local hui. An we can show pity wen we look fo one chance fo witness to oddas.