Draw Pichas Fo Help You Rememba

Not always easy fo rememba wat you wen study. But iz easy fo rememba da word pichas Jesus wen use. You can picha wat Jesus wuz talking about an dat can help you fo rememba wat he wen teach. So wen you study you can rememba moa wen you picha wat you read. Wass one way you can do dat? By drawing pichas wen you study.

Peopo who draw pichas wen dey learn someting new, rememba um betta. Pichas no ony help dem fo undastan da words, but also da main points of wat dey stay learning. Dea pichas no stay fancy, but jus simpo kine sketches. Drawing pichas really help olda guys fo rememba wat dey wen learn.

Da nex time you study, try draw pichas of wat you wen learn. Goin shock you how much you goin rememba!