Try Picha Bible Stories

Da Bible get plenny true stories from da pas dat teach us importan lessons. Wen we try fo picha dese stories, we can undastan wat we read moa betta an see how goin be good fo us. Hea some tings dat can help you bring da Bible stories to life.

• Read um out loud. Wen you read da Bible out loud, dat can help you picha moa clear wat stay happening. Wen you read da Bible az one ohana, try have each person pick one characta fo read. Dat can help make da story come alive.

• Picha wat stay happening. Try undastan wat da guys in da stories wen tink an feel. Fo exampo, ask yoaself, ‘How come dis person wen talk an ack lidat? If I wuz in dea slippas, wat I would be tinking or feeling?’

• Make one drawing. Even if yoa drawing no look da bes, wen you try fo draw wat stay happening in da story, dat can help you picha an rememba um moa betta.