You Wen Kno?

How Da Prieses At Da Tempo Wen Get Rid Of Da Blood Afta Dey Wen Sacrifice Da Animals?

ERY year da pries wen sacrifice tousands of animals on da altar at da tempo. One Jewish writa Josephus wen write dat moa den 250,000 bebe sheeps wuz killed on da passova. Dass plenny blood. (Pries 1:10, 11; Cens 28:16, 19) So wea all dat blood wen go?

Scientists wen dig up da groun aroun da tempo dat Herod wen build. Dey wen find one drainage system dat dey wen use fo get rid of da blood.

Two tings dat wen help keep da altar clean:

• Holes in da groun nex to da altar: One old book on Jewish laws an traditions wen talk about one drainage system fo da altar. It wen say dat, “had two holes at one corner of da altar. Da blood from da sacrifices an da watta dey wen use fo clean da altar had flow tru da holes an down to da Kidron valley.”

  Scientists wen agree wit wat dat old book wen write. Anodda book dat talk about da history of da Jews wen tell dat scientists wen find drains by da tempo dat wuz probly used fo take away da blood from da sacrifices an watta from da altar.

• Had plenny watta: Da pries needed plenny watta fo keep da altar an da drainage system clean. Da pries wen get da watta from da city an dey wen use canals an odda ways fo carry da watta to da tempo. Da scientist Joseph Patrich wen say dat, “no odda tempo dat time had one fancy watta system lidat.”