Share Wat You Wen Study

We feel good wen we study da Bible. But we feel even betta wen we share wit oddas da tings we learn fo help us come moa close to Jehovah. Smart Guys 11:25 tell, “Wen you make shua da odda guys get plenny, same ting, you goin get plenny.”

Wen we share wat we learn wit oddas, dat goin help us fo rememba an undastan um moa betta. An it goin make us happy cuz it help da guys we share um wit.​—Jesus Guys 20:35.

Try dis: Look fo one chance fo share wat you wen learn wit somebody. Could be somebody in yoa ohana, yoa hui, you work wit, go skool wit, yoa neighba, or somebody you meet wen you preaching.

Rememba: Wen you share, do um fo build up oddas, an not fo show off.​—1 Cor 8:1.