Tings Fo Help You Read Da Bible Ery Day

You eva get so busy dat you get hahd time fo read da Bible ery day? (Josh 1:8) If you do, go try one of dese tings:

• Make one reminda fo eryday. Try set one alarm on yoa electronic device fo tell you fo no foget read da Bible.

• Put yoa Bible wea you can see um. If you read from one paypah copy of da Bible, try put um wea you see um eryday.​—Rules 11:18.

• Lissen to da audio. Lissen to da Bible wen you doin tings during da day. Tara, one pionea an maddah dat work night shifts, tell, “Wat help me fo keep up wit my Bible ery day iz fo lissen to um while I stay doin chores aroun da house.”

• No give up. If someting come up dat throw off yoa plans fo read da Bible, no give up. Try go read coupo verses cuz dat still goin be good fo you.​—1 Pet 2:2.