Witnesses Fo Jehovah Wen Change Da Bible Fo Make Um Fit Wat Dey Tink?
No we neva. Wen we find out dat wat we believe no match up wit da Bible, we no change da Bible, we change wat we tink.
Way befoa we wen make da New World Translation of the Holy Scriptures in 1950, we wen look in da Bible real good. We wen use wateva Bible had fo figga out wat fo believe. Check out couple exampos of tings Witnesses Fo Jehovah had believe fo long time, an try figga fo yoaself if dey match up wit wat da Bible really teach.
Wat we believe: God not one Trinity. Da July 1882 issue of Zion’s Watch Tower wen tell: “Even tho oua readas kno dat we believe in Jehovah, Jesus, and da spesho Spirit, cuz iz not in da Bible, we no believe dat dese are three Gods put togedda or one God in three peopo.”
What da Bible tell: “Jehovah our God is one Jehovah.” (Deuteronomy 6:4, The Holy Bible, by Robert Young) “But fo us guys, ony get one God, He oua Faddah. Eryting come from him, An us guys do eryting fo him. An ony get one Guy Dat Stay In Charge, Dass Jesus Christ. Wen God make eryting, Jesus da One wen do um, An us guys stay live cuz Jesus give us da real kine life.” (1 Fo Da Corint Peopo 8:6, Hawaii Pidgin Bible) Even Jesus wen tell, “my Faddah, he mo importan den me.”—John 14:28, Hawaii Pidgin Bible.
What we believe: No goin get torture foeva in hellfiyah. Zion’s Watch Tower wen quote Romans 6:23 in da King James Version, in da June 1882 article “The Wages of Sin Is Death,” an wen tell, “Dese words stay clear an simpo. Az funny how plenny peopo tell dey believe in da Bible, but go agains wat it says wen dey tell dat da payment fo sin iz getting torture foeva.”
What da Bible tell: “You do bad kine stuff, you goin get cut off from me!” (Ezekiel 18:4, 20, Hawaii Pidgin Bible) Da guys who go agains God, no goin get torture foeva, but goin get “wipe. . .out to da max foeva.”—2 Fo Da Tessalonika Peopo 1:9, Hawaii Pidgin Bible.
What we believe: God’s Govament is one real govament, not jus someting you feel in yoa heart. Talking bout Gods Govament, da Decemba 1881 issue fo Zion’s Watch Tower wen tell: “Setting up dis govament goin mean dat all da govaments on eart goin get wipe out.”
What da Bible tell: “Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.”—Daniel 2:44, Hawaii Pidgin Bible.
Do Witnesses Fo Jehovah need da New World Translation fo back up dea beliefs?
No, we use all kine translations of da Bible in oua preaching work. Even tho we give da New World Translation fo free az paht of oua Bible study program, we happy fo study wit anybody dat like use odda translations.