At da Start, How Life Was?

Jehovah wen give Adam an Eve plenny good kine tings. Da Start 1:28

Jehovah wen make da first woman Eve, fo be Adam’s wife.​—Da Start 2:21, 22.

Jehovah made dem wit perfek minds an bodies.

Dey had one awesome place fo live, called Eden! Dey had one river, plenny fruit trees, an animals. Some place spesho jus fo dem. Dey neva need notting.

All dey had to do was wat Jehovah tell dem, an dey could live foeva in dat beautiful garden.

God said jus one of da trees, no touch um. Da Start 2:16, 17

Jehovah wen tell dem dat you eat from dis one fruit tree, you goin mahke. No touch um.

One angel neva like lissen, an wen challenge Jehovah. His name, Satan da Devil.

Satan neva like Adam an Eve fo lissen to Jehovah. He wen use one snake fo mess wit Eve’s mind, so she no can tink strait. Satan said can eat da fruit, you not goin mahke, you goin come jus like God. Dat was one lie, big time!​—Da Start 3:1-5.