SONG 74
Sing Bout God’s Kingdom!
1. Dis happy song, one song about da Kingdom.
Tell all bout Jah, oua God, oua ony One.
Da Kingdom hope iz someting we stay wait fo.
Come we go sing, go sing um dis new song:
(CHORUS)
Come worship Jah, sing from da heart.
Jesus stay King, his rule had start!
Come sing dis song, dis song about da Kingdom.
Worship oua God, go tell how awesome him.
2. We sing dis song fo tell about da Kingdom.
Jesus da king, he rullin ova us.
An God wen pick guys who goin rule wit his Son.
An dey goin sing from heaven jalike dis:
(CHORUS)
Come worship Jah, sing from da heart.
Jesus stay King, his rule had start!
Come sing dis song, dis song about da Kingdom.
Worship oua God, go tell how awesome him.
3. Dis Kingdom song, da humbo guys can sing um,
Give us real peace, help us fo res inside.
Ova da world, get choke guys who wen learn um,
An now dey tell oddas, “E komo mai!”
(CHORUS)
Come worship Jah, sing from da heart.
Jesus stay King, his rule had start!
Come sing dis song, dis song about da Kingdom.
Worship oua God, go tell how awesome him.
(See also Songs 95:6; 1 Pet 2:9, 10; Jesus Show 12:10.)