SONG 159
Show How Jehovah Awesome
1. Who stay like you, God Jehovah,
Way up dea, high in da sky?
Jah, wat can I give back to you,
Fo da love you show in my life?
In da sky, I spock yoa beauty,
Can see yoa powa unreal.
Who am I to you, Jehovah,
How come you pick one guy like me?
(CHORUS)
Jehovah God, please hea dis song I sing,
Iz one song dass jus fo you.
You stay my God an da Foeva King,
All da credit go to you,
I goin show how awesome you.
2. My life iz fo you Jehovah,
Rep you in all dat I do.
I love fo tell oddas bout you,
Cuz I like share how spesho you.
I get fo serve you Jehovah,
Dat make me feel good inside.
You da safe place wea I can hide,
Foeva please stay in my life.
(CHORUS)
Jehovah God, please hea dis song I sing,
Iz one song dass jus fo you.
You stay my God an da Foeva King,
All da credit go to you,
I goin show how awesome you.
3. Oceans an mountains aroun me,
Sun, moon, an stars in da sky,
Make me like learn moa about you,
Cuz can see da love fo us guys.
How smart an powaful you stay,
Can see um in eryting.
I gotta tell you mahalo,
Fo making all dese awesome tings!
(CHORUS)
Jehovah God, please hea dis song I sing,
Iz one song dass jus fo you.
You stay my God an da Foeva King,
All da credit go to you,
I goin show how awesome you.
(See also Songs 96:1-10; 148:3, 7.)