Oua Unreal Sistahs

1. Sarah an Esther, Mary, Ruth, oua sistahs—

Dey make Jehovah da firs ting in dea life.

Fo dea ohana dey work hard all da time.

We like learn bout dem an how dey sho strong faith.

Plenny sistahs stay inside da Bible;

Pa’a wit Jehovah, an we like be da same.

2. To all oua sistahs we like say mahalo.

Cuz get aloha dat stay deep in your heart,

You do wateva you need fo do your part.

You stay happy wen you work an no complain.

All us guys can copy your exampo,

Give um fo Jehovah, we all go do da same.

3. Maddahs, an young girls, tutus, wives, an widows,

Helping da braddahs az wat you kea a’bout.

Get so much beauty, dat stay inside an out!

You worth plenny to God, cuz of your strong faith.

All you sistahs spesho to Jehovah,

He not goin foget you, he wit you all da way.